വിയറ്റ്‌നാം ഏര്‍ലി പോലുള്ള വിദേശ ഇനങ്ങളെയാണ് ഈ ബാക്റ്റീരിയല്‍ രോഗം വലിയ തോതില്‍ ആക്രമിക്കുന്നത്. തുരുമ്പു രോഗമെന്നാണ് ഇതിനെ പ്രാദേശികമായി കര്‍ഷകര്‍ വിളിക്കുന്നത്.
By Harithakeralam
ഏതു കാലത്തും പഴുത്ത ചക്ക കഴിക്കാനായി വാങ്ങി നട്ട പ്ലാവ് കായ്ച്ച് പഴുത്ത് ചക്ക മുറിച്ചു നോക്കുമ്പോള്‍ രുചിയൊന്നുമില്ലാത്ത ചുളകളാണോ... ബ്രോണ്‍സിങ് എന്ന ബാക്റ്റീരിയല്‍ രോഗമാണിത്. കേരളത്തിലെ പ്ലാവുകളില്‍ വ്യാപകമായി കാണപ്പെടുന്ന രോഗമാണ് ബ്രോണ്‍സിങ് . വിയറ്റ്‌നാം ഏര്‍ലി പോലുള്ള വിദേശ ഇനങ്ങളെയാണ് ഈ ബാക്റ്റീരിയല്‍ രോഗം വലിയ തോതില്‍ ആക്രമിക്കുന്നത്. തുരുമ്പു രോഗമെന്നാണ് ഇതിനെ പ്രാദേശികമായി കര്‍ഷകര്‍ വിളിക്കുന്നത്. എന്നാല്‍ നാടന്‍ ഇനങ്ങളില്‍ വളരെക്കുറച്ചു മാത്രമേ ഈ രോഗം കാണപ്പെടാറുള്ളൂ. ബാഹ്യലക്ഷണങ്ങളൊന്നും കാണപ്പെടില്ലെന്നത് ബ്രോണ്‍സിങ്ങിനെ കൂടുതല്‍ അപകടകാരിയാക്കുന്നു.
ചക്ക മുറിച്ചു നോക്കിയാല്‍ ചുളയുടെ പുറത്തും ചവിണിയിലും മഞ്ഞ- തവിട്ടു നിറത്തിലുള്ള പുള്ളികളും വരകളുമുണ്ടാകും. ചുളയുടെ ഗുണനിലവാരം കുറയുകയും ഭക്ഷിക്കാന്‍ അനുയോജ്യമല്ലാതാവുകയും ചെയ്യുന്നു. ചുളയ്ക്ക് രുചി വ്യത്യാസവുമുണ്ടാകും. രോഗം ബാധിച്ചാല്‍ ഒരു ചക്കയിലെ എല്ലാ ചുളകളിലെയും ഇതു ബാധിക്കും. മഴക്കാലത്താണ് മുമ്പ് ഈ രോഗം വ്യാപകമായി കണ്ടുവന്നിരുന്നത്. എന്നാലിപ്പോള്‍ എല്ലാ കാലത്തുമിതു കാണുന്നുണ്ട്. ഒരിക്കല്‍ രോഗം ബാധിച്ചാല്‍ അതിന്റെ തീവ്രത കൂടുകയല്ലാതെ രോഗത്തില്‍ നിന്നും രക്ഷനേടാനുള്ള സാധ്യത കുറവാണ്.
.png)
ചക്ക പൂര്‍ണമായും ഒന്നിനും കൊള്ളാതെയാകുമെന്നതിനാല്‍ ഇതിനെ പ്രതിരോധിക്കേണ്ടത് ആവശ്യമാണ്. വാണിജ്യമായി കൃഷി ചെയ്യുന്നവര്‍ നിര്‍ബന്ധമായും താഴെ പറയുന്ന പരിപാലന മുറകള്‍ സ്വീകരിക്കണം.
1. നല്ല വായു സഞ്ചാരം തോട്ടത്തില്‍ ഉറപ്പാക്കണം. ഉയരം 15 അടിയായി നിലനിര്‍ത്തുക. കൃത്യമായ ഇടയകലത്തില്‍ തൈകള്‍ നടുക. അപ്പോള്‍ വായുസഞ്ചാരമുണ്ടാകും.
2. തായ്ത്തണ്ടില്‍ നിന്ന് ഒരു മീറ്റര്‍ ഉയരം വരെ ചില്ലകള്‍ വളരാന്‍ അനുവദിക്കരുത്.
3. കൃത്യമായ ഇടവേളകളില്‍ മണ്ണുപരിശോധന നടത്തണം. ഇതിനു ശേഷം വിദഗ്ധരുടെ ഉപദേശം തേടി വേണം വളപ്രയോഗം നടത്താന്‍.
4. കുമ്മായം അല്ലെങ്കില്‍ ഡോളോമൈറ്റ് നല്‍കി മണ്ണിന്റെ അമ്ലത കുറയ്ക്കുക.
5. ചക്കയുടെ രൂപത്തില്‍ വരുന്ന മാറ്റങ്ങളും പ്രതികൂലമായി ബാധിക്കും. ഇതിനാല്‍ ബോറോണ്‍ നല്‍കുക.
6.ഒരു കുലയില്‍ തിങ്ങിനിറഞ്ഞ് അധികം ചക്കകള്‍ ഉണ്ടാക്കാന്‍ സമ്മതിക്കരുത്. ഒന്നോ രണ്ടോ നിര്‍ത്തി ബാക്കിയുള്ളവ ഇടിച്ചക്ക പ്രായത്തില്‍ പറിച്ചെടുക്കുക. എട്ടു ചക്കയില്‍ കൂടുതല്‍ ഒരു പ്ലാവില്‍ പഴുപ്പിക്കാന്‍ നിര്‍ത്തരുത്.
7. പ്ലാവില്‍ പൂവുണ്ടാകുന്ന സമയത്ത് മാസത്തിലൊരിക്കല്‍ കോപ്പര്‍ അടങ്ങിയ കുമിള്‍ നാശിനികള്‍ തളിച്ചു കൊടുക്കുക.
8. സ്യൂഡോമോണസ് 20 ഗ്രാം ഒരു ലിറ്റര്‍ വെള്ളത്തില്‍ ചേര്‍ത്ത് മണ്ണിലൊഴിച്ചു കൊടുക്കുക.
.jpg){kind=tracking}
ജനുവരി ഫെബ്രുവരി മാസത്തില്‍ നട്ട റെഡ് ലേഡി പപ്പായ തൈകള്‍ നല്ല വളര്‍ച്ച നേടിയിട്ടുണ്ടാകും. നല്ല വെയില്‍ അനുകൂല ഘടകമാണെങ്കിലും നനയും മറ്റു പരിപാലനവും കൃത്യമായി നല്‍കിയിട്ടില്ലെങ്കില്‍ ചെടികള്‍ നശിച്ചു പോകാന്‍…
By Harithakeralam
കേരളത്തിലിപ്പോള്‍ കര്‍ഷകന് നല്ല വില ലഭിക്കുന്ന വിളയാണ് വാഴപ്പഴം. നേന്ത്രന് വില കാലങ്ങളായി 60 ന് മുകളിലാണ്. മറ്റിനം വാഴപ്പഴങ്ങള്‍ക്കും മികച്ച വില ലഭിക്കുന്നു. ഒരു കാലത്ത് വലിയ പരിചരണമൊന്നുമില്ലാതെ നമ്മുടെ…
By Harithakeralam
തമിഴ്‌നാട്ടിലെ കടലൂര്‍ ജില്ലയിലെ ഒരു പട്ടണമാണ് പന്റുട്ടി. ഇന്ത്യയില്‍ ചക്കയുടെ സ്വര്‍ഗം, ചക്കയുടെ തലസ്ഥാനം അഥവാ ജാക്ക് ഫ്രൂട്ട് ക്യാപിറ്റല്‍ ഒഫ് ഇന്ത്യ എന്നാണ് ഈ നാട് അറിയപ്പെടുന്നത്. കാരണം ഇവിടെ മുഴുവന്‍…
By Harithakeralam
ചുവന്ന തുടുത്തിരിക്കുന്ന ചാമ്പക്ക കണ്ടാല്‍ തന്നെ പൊട്ടിച്ച് കഴിക്കാന്‍ തോന്നും. ചാമ്പക്ക ഉപ്പും മുളകുമെല്ലാം കൂട്ടി കഴിച്ചിരുന്ന ബാല്യകാലം മുതിര്‍ന്ന തലമുറയ്ക്കുണ്ടായിരിക്കും. അന്നൊക്കെ ചുവന്നു തുടുത്ത…
By Harithakeralam
R2E2... പേരുകേട്ടാല്‍ വല്ല രാസനാമവുമാണെന്ന് കരുതും. പക്ഷേ, സംഗതിയൊരു മാവിന്റെ പേരാണ്. ഓസ്‌ട്രേലിയന്‍ സ്വദേശിയായ മാമ്പഴമാണിത്. വാണിജ്യമായി കൃഷി ചെയ്യാന്‍ അനുയോജ്യമായ ഈയിനം നമ്മുടെ നാട്ടിലും നല്ല പോലെ വളരും.…
By Harithakeralam
ഏറെ ആശയോടെയാണ് നാം മാവിന്‍ തൈകള്‍ വാങ്ങി വീട്ട്മുറ്റത്ത് നടുക. നാടന്‍ മാവുകള്‍ വളര്‍ന്നു വിളവ് തരാന്‍ വര്‍ഷങ്ങള്‍ വേണ്ടി വരും, എന്നാല്‍ ഒട്ടുമാവുകളില്‍ ചുരുങ്ങിയ കാലം കൊണ്ടു മാങ്ങകളുണ്ടാകും. ഇതിനിടെ പല…
By Harithakeralam
ബട്ടര്‍ഫ്രൂട്ട്' എന്ന അന്വര്‍ത്ഥമായ പേരില്‍ അറിയപ്പെടുന്ന അവൊക്കാഡോ മെക്‌സിക്കന്‍ വനാന്തരങ്ങളുടെ സംഭാവനയാണ്. ഉഷ്ണമേഖലാ സാഹചര്യമുള്ള എല്ലാ പ്രദേശങ്ങളിലും സുലഭമായി വളരുന്ന അവൊക്കാഡോ, ക്രിസ്ത്യന്‍ മിഷണറിമാരാണ്…
By Harithakeralam
മത്തന്‍ കുത്തിയാല്‍ കുമ്പളം മുളയ്ക്കില്ലെന്നാണ് പഴം ചൊല്ല്. എന്നാല്‍ മത്തന്‍ തന്നെ മര്യാദയ്ക്ക് വിളയുന്നില്ലെന്നാണ് കര്‍ഷകരുടെ പരാതി. ഇതിന് പ്രധാന കാരണം നമ്മുടെ പരിചരണത്തിലെ പോരായ്മകള്‍ തന്നെയാണ്. ലാക്റ്ററേറ്റ്…
By Harithakeralam
© All rights reserved | Powered by Otwo Designs
Leave a comment