കര്‍ഷകന് ഇരുട്ടടിയായി കുഴിപ്പുള്ളി അഥവാ പിറ്റിങ് രോഗം വ്യാപകമായി കണ്ടു വരുന്നു. കായ്കള്‍ക്ക് വലിയ പ്രശ്‌നമുണ്ടാകില്ലെങ്കിലും തൊലിപ്പുറത്ത് പുള്ളിക്കുത്തുകള്‍ ഈ രോഗം മൂലമുണ്ടാകും, ഇത് വില്‍പ്പനയെ ബാധിക്കും.
By Harithakeralam
നേന്ത്രപ്പഴത്തിന് കുറച്ചു നാളായി മികച്ച വില ലഭിക്കുന്നുണ്ട്. എന്നാലും നേന്ത്രന് കൃഷി ചെയ്യുന്നവര്‍ക്ക് ഓണക്കാലമാണ് സുവര്‍ണകാലം, റെക്കോര്‍ഡ് വിലയായിരിക്കും ഈ സീസണില്‍. ഓണ വിപണി ലക്ഷ്യമാക്കിയുളള നേന്ത്രവാഴയില്‍ കുല വരുന്ന സമയമാണ്. എന്നാല്‍ കര്‍ഷകന് ഇരുട്ടടിയായി കുഴിപ്പുള്ളി അഥവാ പിറ്റിങ് രോഗം വ്യാപകമായി കണ്ടു വരുന്നു. കായ്കള്‍ക്ക് വലിയ പ്രശ്‌നമുണ്ടാകില്ലെങ്കിലും തൊലിപ്പുറത്ത് പുള്ളിക്കുത്തുകള്‍ ഈ രോഗം മൂലമുണ്ടാകും, ഇത് വില്‍പ്പനയെ ബാധിക്കും. രോഗം വരാതിരിക്കാന്‍ പാലിക്കേണ്ട കാര്യങ്ങള്‍ നോക്കാം.
വര്‍ഷക്കാലത്ത് നേന്ത്രക്കുലകളുടെ കായ മൂപ്പെത്തുന്നതോടെയാണ് കുഴിപ്പുള്ളി അല്ലെങ്കില്‍ പിറ്റിങ് രോഗം കണ്ടുവരുന്നത്. കായകളുടെ അഗ്രഭാഗത്തായി തൊലിപ്പുറത്ത് സൂചിമുനകളുടെ വലുപ്പത്തിലുളള ചെറിയ തവിട്ടുപുള്ളികള്‍ രൂപപ്പെടുന്നു, തുടര്‍ന്ന് അവ വലുതായി വലുപ്പത്തിലുളള കുഴികളായി മാറും, ഈ കുഴികള്‍ക്ക് ചുറ്റും പര്‍പ്പിള്‍ നിറത്തിലുളള വലയങ്ങള്‍ കാണാം. രോഗം മൂര്‍ച്ചിക്കുന്നതനുസരിച്ച് ഇത്തരം കുഴികള്‍ പരസ്പരം കൂടിചേര്‍ന്ന് വാഴപ്പഴത്തിന്റെ തൊലി കുമിള്‍ബാധ മൂലം കരിഞ്ഞുപോവുകയും ചെയ്യും. രോഗം അകത്തേക്ക് ബാധിക്കാതെ തൊലിപ്പുറത്തുമാത്രം കാണുന്നതിനാല്‍ ഉള്ളിലെ കാമ്പിന് കാര്യമായ ദോഷം സംഭവിക്കുന്നില്ല. ഇത്തരം പുള്ളികുത്തുകളും അവയുണ്ടാക്കുന്ന കരിച്ചിലുകളും കുലകളുടെ വിപണിമൂല്യം ഗണ്യമായി കുറയ്ക്കും.
.png)
മൂപ്പ് കൂടിയതിനുശേഷവും കുല തോട്ടത്തില്‍ നിര്‍ത്തുകയാണെങ്കില്‍ കായീച്ചയും പഴയീച്ചയും കായ്കളില്‍ മുട്ട ഇടുകയും മുട്ടവിരിഞ്ഞ് ഇറങ്ങുന്ന പുഴുക്കള്‍ കാമ്പിനുളളില്‍ വളരുകയും ചെയ്യുന്നു. ഇത്തരം പുഴുക്കുത്തേറ്റ കായ്കളില്‍ തൊലിപ്പുറമെ ചെറിയ സുഷിരങ്ങള്‍ കാണാം. തുടര്‍ന്ന് ഇത്തരം പഴങ്ങള്‍ ഭഷ്യയോഗ്യമല്ലാതായിത്തീരും. രോഗം പ്രധാനമായും കായ്കളെയാണ് ബാധിക്കുന്നതെങ്കിലും, ടിഷ്യൂ കള്‍ച്ചര്‍ വാഴതൈകള്‍ , വാഴപ്പോള , ഇല, ഇലത്തണ്ട്, കുലത്തണ്ട് എന്നിവിടങ്ങളില്‍ നിന്നും രോഗകാരിയായ കുമിളിന്റെ സാന്നിധ്യം തിരിച്ചറിഞ്ഞിട്ടുണ്ട് രോഗകാരിയായ കുമിളിന് അനുയേജ്യമായ കാലാവസ്ഥയാണ് ജൂണ്‍ മുതല്‍ സെപ്തംബര്‍ വരെയുളള സമയം. ആയതിനാല്‍ രോഗം വരാതിരിക്കാനും വ്യാപിക്കാതിരിക്കാനുമുളള മുന്‍കരുതലുകള്‍ സ്വീകരിക്കേണ്ടത് അനിവാര്യമാണ്.
1. ഉണങ്ങിയ ഇലകള്‍ മുറിച്ചുമാറ്റി തോട്ടം വ്യത്തിയായി സൂക്ഷിക്കുക.
2. പോളിഎത്തിലീന്‍ കവര്‍ / പ്ലാസ്റ്റിക് ചാക്ക് ഉപയോഗിച്ചു കുലകള്‍ പൊതിയുക.
3. ഉണങ്ങിയ ഇലകള്‍ ഉപയോഗിച്ച് കുലകള്‍ പൊതിയാതിരിക്കുക.
4. കായ്കളിലെ രോഗബാധയ്ക്ക് രോഗാരംഭത്തില്‍ തന്നെ സമ്പര്‍ക്ക കുമിള്‍ നാശിനികളായ മാങ്കോസെമ്പ് അല്ലെങ്കില്‍ കോപ്പര്‍ ഓക്‌സിക്‌ളോറൈഡ് 3 ഗ്രാം 1 ലിറ്റര്‍ വെള്ളത്തില്‍ എന്ന തോതില്‍ തളിക്കാം.
5. അന്തര്‍ വ്യാപന ശേഷിയുളള കുമിള്‍ നാശിനിയായ കാര്‍ബെന്റാസിം 1 ഗ്രാം 1 ലിറ്റര്‍ വെള്ളത്തിലെന്ന തോതിലോ തളിച്ചുകൊടുക്കുന്നതിലൂടെ രോഗ വ്യാപനം തടയാം.
.jpg){kind=tracking}
ജനുവരി ഫെബ്രുവരി മാസത്തില്‍ നട്ട റെഡ് ലേഡി പപ്പായ തൈകള്‍ നല്ല വളര്‍ച്ച നേടിയിട്ടുണ്ടാകും. നല്ല വെയില്‍ അനുകൂല ഘടകമാണെങ്കിലും നനയും മറ്റു പരിപാലനവും കൃത്യമായി നല്‍കിയിട്ടില്ലെങ്കില്‍ ചെടികള്‍ നശിച്ചു പോകാന്‍…
By Harithakeralam
കേരളത്തിലിപ്പോള്‍ കര്‍ഷകന് നല്ല വില ലഭിക്കുന്ന വിളയാണ് വാഴപ്പഴം. നേന്ത്രന് വില കാലങ്ങളായി 60 ന് മുകളിലാണ്. മറ്റിനം വാഴപ്പഴങ്ങള്‍ക്കും മികച്ച വില ലഭിക്കുന്നു. ഒരു കാലത്ത് വലിയ പരിചരണമൊന്നുമില്ലാതെ നമ്മുടെ…
By Harithakeralam
തമിഴ്‌നാട്ടിലെ കടലൂര്‍ ജില്ലയിലെ ഒരു പട്ടണമാണ് പന്റുട്ടി. ഇന്ത്യയില്‍ ചക്കയുടെ സ്വര്‍ഗം, ചക്കയുടെ തലസ്ഥാനം അഥവാ ജാക്ക് ഫ്രൂട്ട് ക്യാപിറ്റല്‍ ഒഫ് ഇന്ത്യ എന്നാണ് ഈ നാട് അറിയപ്പെടുന്നത്. കാരണം ഇവിടെ മുഴുവന്‍…
By Harithakeralam
ചുവന്ന തുടുത്തിരിക്കുന്ന ചാമ്പക്ക കണ്ടാല്‍ തന്നെ പൊട്ടിച്ച് കഴിക്കാന്‍ തോന്നും. ചാമ്പക്ക ഉപ്പും മുളകുമെല്ലാം കൂട്ടി കഴിച്ചിരുന്ന ബാല്യകാലം മുതിര്‍ന്ന തലമുറയ്ക്കുണ്ടായിരിക്കും. അന്നൊക്കെ ചുവന്നു തുടുത്ത…
By Harithakeralam
R2E2... പേരുകേട്ടാല്‍ വല്ല രാസനാമവുമാണെന്ന് കരുതും. പക്ഷേ, സംഗതിയൊരു മാവിന്റെ പേരാണ്. ഓസ്‌ട്രേലിയന്‍ സ്വദേശിയായ മാമ്പഴമാണിത്. വാണിജ്യമായി കൃഷി ചെയ്യാന്‍ അനുയോജ്യമായ ഈയിനം നമ്മുടെ നാട്ടിലും നല്ല പോലെ വളരും.…
By Harithakeralam
ഏറെ ആശയോടെയാണ് നാം മാവിന്‍ തൈകള്‍ വാങ്ങി വീട്ട്മുറ്റത്ത് നടുക. നാടന്‍ മാവുകള്‍ വളര്‍ന്നു വിളവ് തരാന്‍ വര്‍ഷങ്ങള്‍ വേണ്ടി വരും, എന്നാല്‍ ഒട്ടുമാവുകളില്‍ ചുരുങ്ങിയ കാലം കൊണ്ടു മാങ്ങകളുണ്ടാകും. ഇതിനിടെ പല…
By Harithakeralam
ബട്ടര്‍ഫ്രൂട്ട്' എന്ന അന്വര്‍ത്ഥമായ പേരില്‍ അറിയപ്പെടുന്ന അവൊക്കാഡോ മെക്‌സിക്കന്‍ വനാന്തരങ്ങളുടെ സംഭാവനയാണ്. ഉഷ്ണമേഖലാ സാഹചര്യമുള്ള എല്ലാ പ്രദേശങ്ങളിലും സുലഭമായി വളരുന്ന അവൊക്കാഡോ, ക്രിസ്ത്യന്‍ മിഷണറിമാരാണ്…
By Harithakeralam
മത്തന്‍ കുത്തിയാല്‍ കുമ്പളം മുളയ്ക്കില്ലെന്നാണ് പഴം ചൊല്ല്. എന്നാല്‍ മത്തന്‍ തന്നെ മര്യാദയ്ക്ക് വിളയുന്നില്ലെന്നാണ് കര്‍ഷകരുടെ പരാതി. ഇതിന് പ്രധാന കാരണം നമ്മുടെ പരിചരണത്തിലെ പോരായ്മകള്‍ തന്നെയാണ്. ലാക്റ്ററേറ്റ്…
By Harithakeralam
© All rights reserved | Powered by Otwo Designs
Leave a comment