മഴ പെയ്ത് മണ്ണ് നല്ല പോലെ തണുത്തതിനാല്‍ വളപ്രയോഗം നടത്താന്‍ അനുയോജ്യമായ സമയമാണിപ്പോള്‍.
By Harithakeralam
നല്ല വില നല്‍കി വാങ്ങി നട്ട പഴച്ചെടികള്‍ വേണ്ട രീതിയില്‍ വിളവ് നല്‍കുന്നില്ലേ... പലരും പരാതി പറയുന്നൊരു കാര്യമാണിത്. നഴ്‌സറിക്കാരുടെ വീരവാദങ്ങള്‍ കേട്ട് പ്രതീക്ഷയോടെ നട്ട പഴച്ചെടികള്‍ പലര്‍ക്കും ഇന്നു സ്ഥലം മുടക്കികളാണ്. ഈയൊരു അവസ്ഥയ്ക്ക് നമ്മള്‍ തന്നെയാണ് പ്രതികള്‍. വേണ്ട രീതിയില്‍ വളപ്രയോഗം നടത്തിയാല്‍ മാത്രമേ ചെടികളില്‍ നിന്ന് ഫലങ്ങള്‍ ലഭിക്കൂ. മഴ പെയ്ത് മണ്ണ് നല്ല പോലെ തണുത്തതിനാല്‍ വളപ്രയോഗം നടത്താന്‍ അനുയോജ്യമായ സമയമാണിപ്പോള്‍.
1. തൈയുണ്ടാക്കിയത് വിത്ത് മുളപ്പിച്ചാണോ ലയറോ ഗ്രാഫ്‌റ്റോ ചെയ്താണോ എന്ന് ആദ്യം മനസിലാക്കണം. ലയര്‍, ഗ്രാഫ്റ്റ് ചെയ്ത തൈകള്‍ പെട്ടെന്ന് ഫലം നല്‍കും. ഇതിനാല്‍ ഇവയ്ക്ക് കൃത്യമായ വളപ്രയോഗം നല്‍കണം. വിത്ത് നട്ടവ സമയമെടുത്ത് മാത്രമേ കായ്ക്കൂ. ഈ വ്യത്യാസം മനസിലാക്കി വേണം വളപ്രയോഗം.
.png)
2. ആദ്യം നല്‍കേണ്ടത് കുമ്മായമാണ്. ദീര്‍ഘകാല വിളയായതിനാല്‍ പൊടിഞ്ഞ കുമ്മായമാണു നല്ലത്. കായ്ച്ചു തുടങ്ങിയ ചെടിക്ക് അര കിലോ പൊടിഞ്ഞ കുമ്മായവും അര കിലോ ഡൊളമൈറ്റും ചേര്‍ക്കാം. ചെടിയുടെ ചുവട്ടില്‍ നിന്ന് ഇലകള്‍ അവസാനിക്കുന്ന സ്ഥലം അഥവാ ഇലച്ചാര്‍ത്ത് കണക്കിലെടുത്ത് വേണം കുമ്മായം ചേര്‍ക്കാന്‍. ഇവിടെ അരയടി താഴ്ചയില്‍ തടമെടുത്ത് ആദ്യം കുമ്മായ വസ്തുക്കള്‍ ചേര്‍ത്ത് കൊടുക്കാം. മണ്ണ് നന്നായി നനഞ്ഞിരിക്കുന്ന ഈ സമയത്തു കുമ്മായം ചേര്‍ക്കുന്നതാണ് നല്ലത്.
3. കുമ്മായം നല്‍കി 10 - 15 ദിവസം കഴിഞ്ഞ് പൊടിഞ്ഞ ജൈവവളങ്ങള്‍ ചേര്‍ക്കാം. കാലിവളം, ആട്ടിന്‍കാഷ്ടം, കോഴിക്കാഷ്ടം, മണ്ണിര കമ്പോസ്റ്റ് എന്നിവയാണു നല്ലത്. ഒരു വര്‍ഷം പ്രായമായ ചെടികള്‍ക്ക് വര്‍ഷം 15 കിലോ വളം വേണം. പല തരത്തിലുള്ള വളങ്ങള്‍ മിക്‌സ് ചെയ്തു ചേര്‍ക്കുന്നതാണ് നല്ലത്.
4. മഴ നല്ല പോലെ ലഭിച്ചതിനാല്‍ പച്ചിലകള്‍ ധാരാളം പറമ്പിലുണ്ടാകും. ഇവ നല്ലൊരു ജൈവവളമായി ഉപയോഗിക്കാം. ചീമക്കൊന്ന, കമ്യൂണിസ്റ്റ് പച്ച തുടങ്ങി പെട്ടെന്ന് അഴുകുന്ന ഇലകള്‍ തടത്തിലിട്ടു കൊടുക്കാം.
5. നല്ല വിളവിനു രാസവളങ്ങള്‍ ചേര്‍ക്കുന്നതും നല്ലതാണ്. രണ്ട് മൂന്നു വര്‍ഷം പ്രായമായ ചെടികളില്‍ നിന്നും വിളവ് ലഭിക്കാന്‍ രാസവളങ്ങള്‍ ചേര്‍ത്ത് തുടങ്ങാം. മുക്കാല്‍ കിലോ യൂറിയ, ഒന്നേകാല്‍ കിലോ രാജ് ഫോഴ്‌സ്, ഒന്നര കിലോ പൊട്ടാഷ് എന്നിവ വര്‍ഷത്തില്‍ രണ്ടു തവണയായി നല്‍കാം.
6. ഡ്രമ്മില്‍ നട്ട പഴച്ചെടികള്‍ക്ക് മേല്‍പ്പറഞ്ഞ രാസവളങ്ങള്‍ ഒന്നിച്ചു കൊടുക്കാന്‍ പാടില്ല. മുകളില്‍ പറഞ്ഞ അളവിനെ 12 ഭാഗമാക്കി മാസത്തിലൊരിക്കല്‍ നല്‍കാം. എന്നാല്‍ മാത്രമേ ഡ്രമ്മില്‍ നട്ടവയില്‍ നിന്നും വിളവ് ലഭിക്കൂ.
7. ഇലകളില്‍ മഞ്ഞളിപ്പ് ഉണ്ടെങ്കില്‍ മംഗ്നീഷ്യം സള്‍ഫേറ്റ് കുറച്ച് ചേര്‍ക്കുന്നത് നല്ലതാണ്.
8. ഉമി ഡ്രമ്മില്‍ ചേര്‍ത്താല്‍ ചെടികള്‍ കരുത്തോടെ വളരും.
.jpg){kind=tracking}
ജനുവരി ഫെബ്രുവരി മാസത്തില്‍ നട്ട റെഡ് ലേഡി പപ്പായ തൈകള്‍ നല്ല വളര്‍ച്ച നേടിയിട്ടുണ്ടാകും. നല്ല വെയില്‍ അനുകൂല ഘടകമാണെങ്കിലും നനയും മറ്റു പരിപാലനവും കൃത്യമായി നല്‍കിയിട്ടില്ലെങ്കില്‍ ചെടികള്‍ നശിച്ചു പോകാന്‍…
By Harithakeralam
കേരളത്തിലിപ്പോള്‍ കര്‍ഷകന് നല്ല വില ലഭിക്കുന്ന വിളയാണ് വാഴപ്പഴം. നേന്ത്രന് വില കാലങ്ങളായി 60 ന് മുകളിലാണ്. മറ്റിനം വാഴപ്പഴങ്ങള്‍ക്കും മികച്ച വില ലഭിക്കുന്നു. ഒരു കാലത്ത് വലിയ പരിചരണമൊന്നുമില്ലാതെ നമ്മുടെ…
By Harithakeralam
തമിഴ്‌നാട്ടിലെ കടലൂര്‍ ജില്ലയിലെ ഒരു പട്ടണമാണ് പന്റുട്ടി. ഇന്ത്യയില്‍ ചക്കയുടെ സ്വര്‍ഗം, ചക്കയുടെ തലസ്ഥാനം അഥവാ ജാക്ക് ഫ്രൂട്ട് ക്യാപിറ്റല്‍ ഒഫ് ഇന്ത്യ എന്നാണ് ഈ നാട് അറിയപ്പെടുന്നത്. കാരണം ഇവിടെ മുഴുവന്‍…
By Harithakeralam
ചുവന്ന തുടുത്തിരിക്കുന്ന ചാമ്പക്ക കണ്ടാല്‍ തന്നെ പൊട്ടിച്ച് കഴിക്കാന്‍ തോന്നും. ചാമ്പക്ക ഉപ്പും മുളകുമെല്ലാം കൂട്ടി കഴിച്ചിരുന്ന ബാല്യകാലം മുതിര്‍ന്ന തലമുറയ്ക്കുണ്ടായിരിക്കും. അന്നൊക്കെ ചുവന്നു തുടുത്ത…
By Harithakeralam
R2E2... പേരുകേട്ടാല്‍ വല്ല രാസനാമവുമാണെന്ന് കരുതും. പക്ഷേ, സംഗതിയൊരു മാവിന്റെ പേരാണ്. ഓസ്‌ട്രേലിയന്‍ സ്വദേശിയായ മാമ്പഴമാണിത്. വാണിജ്യമായി കൃഷി ചെയ്യാന്‍ അനുയോജ്യമായ ഈയിനം നമ്മുടെ നാട്ടിലും നല്ല പോലെ വളരും.…
By Harithakeralam
ഏറെ ആശയോടെയാണ് നാം മാവിന്‍ തൈകള്‍ വാങ്ങി വീട്ട്മുറ്റത്ത് നടുക. നാടന്‍ മാവുകള്‍ വളര്‍ന്നു വിളവ് തരാന്‍ വര്‍ഷങ്ങള്‍ വേണ്ടി വരും, എന്നാല്‍ ഒട്ടുമാവുകളില്‍ ചുരുങ്ങിയ കാലം കൊണ്ടു മാങ്ങകളുണ്ടാകും. ഇതിനിടെ പല…
By Harithakeralam
ബട്ടര്‍ഫ്രൂട്ട്' എന്ന അന്വര്‍ത്ഥമായ പേരില്‍ അറിയപ്പെടുന്ന അവൊക്കാഡോ മെക്‌സിക്കന്‍ വനാന്തരങ്ങളുടെ സംഭാവനയാണ്. ഉഷ്ണമേഖലാ സാഹചര്യമുള്ള എല്ലാ പ്രദേശങ്ങളിലും സുലഭമായി വളരുന്ന അവൊക്കാഡോ, ക്രിസ്ത്യന്‍ മിഷണറിമാരാണ്…
By Harithakeralam
മത്തന്‍ കുത്തിയാല്‍ കുമ്പളം മുളയ്ക്കില്ലെന്നാണ് പഴം ചൊല്ല്. എന്നാല്‍ മത്തന്‍ തന്നെ മര്യാദയ്ക്ക് വിളയുന്നില്ലെന്നാണ് കര്‍ഷകരുടെ പരാതി. ഇതിന് പ്രധാന കാരണം നമ്മുടെ പരിചരണത്തിലെ പോരായ്മകള്‍ തന്നെയാണ്. ലാക്റ്ററേറ്റ്…
By Harithakeralam
© All rights reserved | Powered by Otwo Designs
Leave a comment