ജബോട്ടിക്കാബ പഴം മുന്തിരിയോട് സാമ്യമുള്ളതാണ്, ഇതിനാല്‍ മരമുന്തിരി എന്നൊരു വിളിപ്പേരുമുണ്ട്. വളരെ മധുരമുള്ളതും രുചികരവുമായ ഫലമാണിത്.
By Harithakeralam
ജബോട്ടിക്കാബ - പേരു കേട്ട് പേടിക്കേണ്ട രുചികരമായ പഴമാണിത്. ബ്രസീലാണ് സ്വദേശമെങ്കിലും കേരളത്തിലും നല്ല പോലെ വിളവ് തരും. തടിയോട് അടുപ്പിച്ചു ധാരാളം കായ്കളുണ്ടാകുന്ന ജബോട്ടിക്കാബ കാണാന്‍ തന്നെ നല്ല ഭംഗിയാണ്. ജബോട്ടിക്കാബ സബാറാ, എസ്‌കാര്‍ലെറ്റ്, റെഡ് ഹൈബ്രിഡ് എന്നിങ്ങനെ ഒട്ടേറെ ഇനങ്ങളുടെ തൈകള്‍ ലഭ്യമാണ്. കേരളത്തില്‍ പല നഴ്‌സറികളും ജബോട്ടിക്കാബയുടെ തൈകള്‍ വില്‍ക്കുന്നുണ്ട്.
മുന്തിരിയോട് സാമ്യം
ജബോട്ടിക്കാബ പഴം മുന്തിരിയോട് സാമ്യമുള്ളതാണ്, ഇതിനാല്‍ മരമുന്തിരി എന്നൊരു വിളിപ്പേരുമുണ്ട്. വളരെ മധുരമുള്ളതും രുചികരവുമായ ഫലമാണിത്. ഒന്നോ നാലോ വലിയ വിത്തുകളാണ് മാംസത്തിനുള്ളില്‍ പതിഞ്ഞിരിക്കുന്നത്, അവ ആകൃതിയില്‍ വ്യത്യാസവുമുണ്ടായിരിക്കും. വര്‍ഷത്തില്‍ ഒന്നോ രണ്ടോ തവണ മാത്രമേ ഈ വൃക്ഷം പൂക്കുകയും കായ്ക്കുകയും ചെയ്യുകയുള്ളൂ, എന്നാല്‍ തുടര്‍ച്ചയായി നനയ്ക്കുമ്പോള്‍ അത് ഇടയ്ക്കിടെ പൂക്കുന്നതായി കാണാം. കൂടാതെ ഉഷ്ണമേഖലാ പ്രദേശങ്ങളില്‍ വര്‍ഷം മുഴുവനും പുതിയ പഴങ്ങള്‍ ലഭിക്കും.
.png)
ലാന്‍ഡ്‌സ്‌കേപ്പ് പ്ലാന്റ്
15മീറ്റര്‍ വരെ ഉയരത്തില്‍ വരെ വളരുന്ന നിത്യഹരിത വൃക്ഷമാണിത്. മറ്റു ഫല വൃക്ഷങ്ങളെ അപേക്ഷിച്ചു സാവധാനത്തിലാണ് വളര്‍ച്ച. ചെറുപ്രായത്തില്‍ നിറമുള്ള ഇലകളുണ്ടാകും എന്നാല്‍ അവ മൂക്കുമ്പോള്‍ പച്ചയായി മാറും. ആകര്‍ഷകമായ ലാന്‍ഡ്‌സ്‌കേപ്പ് പ്ലാന്റായും ജബോട്ടിക്കാബ ഉപയോഗിക്കാം.
നടീല്‍ രീതി
നല്ല സൂര്യപ്രകാശം ലഭ്യമാകുന്ന നീര്‍വാര്‍ച്ചയുള്ള സ്ഥലം തെരഞ്ഞെടുത്ത് ജബോട്ടിക്കാബ തൈ നടാം. തായ്ത്തടിയില്‍ കാണപ്പെടുന്ന കായ്കളില്‍ നിന്ന് വിത്ത് ശേഖരിച്ച് കൃഷി ആരംഭിക്കാം. വിത്ത് മുളക്കാന്‍ ഏകദേശം മൂന്നാഴ്ചയോളം സമയമെടുക്കും. ഇങ്ങനെ നട്ടാല്‍ ഏകദേശം എട്ടു വര്‍ഷത്തോളമെടുക്കും പുഷ്പിക്കാന്‍. എന്നാല്‍ കേരളത്തിലെ പല നഴ്‌സറികളിലും ഹൈബ്രിഡ് തൈകള്‍ ലഭ്യമാണ്. ഹൈബ്രിഡ് തൈകളില്‍ പരമാവധി നാലുവര്‍ഷത്തിനുള്ളില്‍ പൂവ് ഉണ്ടാകും.
പരിചരണം
ജൈവവളങ്ങള്‍ ഉപയോഗിച്ചുള്ള പരിചരണമാണ് ഏറ്റവും നല്ലത്. താരതമ്യേന കീടബാധ കുറവായതിനാല്‍ കാര്യമായ പരിചരണം ചെടിക്ക് ആവശ്യമില്ല. എങ്കിലും വേനല്‍ക്കാലങ്ങളില്‍ ജലസേചനവും പുതയിടലും മറക്കാതെ ചെയ്യുക. വലിയ വീപ്പകളിലും ജബോട്ടിക്കാബ വെച്ചുപിടിപ്പിക്കാം.
.jpg){kind=tracking}
ജനുവരി ഫെബ്രുവരി മാസത്തില്‍ നട്ട റെഡ് ലേഡി പപ്പായ തൈകള്‍ നല്ല വളര്‍ച്ച നേടിയിട്ടുണ്ടാകും. നല്ല വെയില്‍ അനുകൂല ഘടകമാണെങ്കിലും നനയും മറ്റു പരിപാലനവും കൃത്യമായി നല്‍കിയിട്ടില്ലെങ്കില്‍ ചെടികള്‍ നശിച്ചു പോകാന്‍…
By Harithakeralam
കേരളത്തിലിപ്പോള്‍ കര്‍ഷകന് നല്ല വില ലഭിക്കുന്ന വിളയാണ് വാഴപ്പഴം. നേന്ത്രന് വില കാലങ്ങളായി 60 ന് മുകളിലാണ്. മറ്റിനം വാഴപ്പഴങ്ങള്‍ക്കും മികച്ച വില ലഭിക്കുന്നു. ഒരു കാലത്ത് വലിയ പരിചരണമൊന്നുമില്ലാതെ നമ്മുടെ…
By Harithakeralam
തമിഴ്‌നാട്ടിലെ കടലൂര്‍ ജില്ലയിലെ ഒരു പട്ടണമാണ് പന്റുട്ടി. ഇന്ത്യയില്‍ ചക്കയുടെ സ്വര്‍ഗം, ചക്കയുടെ തലസ്ഥാനം അഥവാ ജാക്ക് ഫ്രൂട്ട് ക്യാപിറ്റല്‍ ഒഫ് ഇന്ത്യ എന്നാണ് ഈ നാട് അറിയപ്പെടുന്നത്. കാരണം ഇവിടെ മുഴുവന്‍…
By Harithakeralam
ചുവന്ന തുടുത്തിരിക്കുന്ന ചാമ്പക്ക കണ്ടാല്‍ തന്നെ പൊട്ടിച്ച് കഴിക്കാന്‍ തോന്നും. ചാമ്പക്ക ഉപ്പും മുളകുമെല്ലാം കൂട്ടി കഴിച്ചിരുന്ന ബാല്യകാലം മുതിര്‍ന്ന തലമുറയ്ക്കുണ്ടായിരിക്കും. അന്നൊക്കെ ചുവന്നു തുടുത്ത…
By Harithakeralam
R2E2... പേരുകേട്ടാല്‍ വല്ല രാസനാമവുമാണെന്ന് കരുതും. പക്ഷേ, സംഗതിയൊരു മാവിന്റെ പേരാണ്. ഓസ്‌ട്രേലിയന്‍ സ്വദേശിയായ മാമ്പഴമാണിത്. വാണിജ്യമായി കൃഷി ചെയ്യാന്‍ അനുയോജ്യമായ ഈയിനം നമ്മുടെ നാട്ടിലും നല്ല പോലെ വളരും.…
By Harithakeralam
ഏറെ ആശയോടെയാണ് നാം മാവിന്‍ തൈകള്‍ വാങ്ങി വീട്ട്മുറ്റത്ത് നടുക. നാടന്‍ മാവുകള്‍ വളര്‍ന്നു വിളവ് തരാന്‍ വര്‍ഷങ്ങള്‍ വേണ്ടി വരും, എന്നാല്‍ ഒട്ടുമാവുകളില്‍ ചുരുങ്ങിയ കാലം കൊണ്ടു മാങ്ങകളുണ്ടാകും. ഇതിനിടെ പല…
By Harithakeralam
ബട്ടര്‍ഫ്രൂട്ട്' എന്ന അന്വര്‍ത്ഥമായ പേരില്‍ അറിയപ്പെടുന്ന അവൊക്കാഡോ മെക്‌സിക്കന്‍ വനാന്തരങ്ങളുടെ സംഭാവനയാണ്. ഉഷ്ണമേഖലാ സാഹചര്യമുള്ള എല്ലാ പ്രദേശങ്ങളിലും സുലഭമായി വളരുന്ന അവൊക്കാഡോ, ക്രിസ്ത്യന്‍ മിഷണറിമാരാണ്…
By Harithakeralam
മത്തന്‍ കുത്തിയാല്‍ കുമ്പളം മുളയ്ക്കില്ലെന്നാണ് പഴം ചൊല്ല്. എന്നാല്‍ മത്തന്‍ തന്നെ മര്യാദയ്ക്ക് വിളയുന്നില്ലെന്നാണ് കര്‍ഷകരുടെ പരാതി. ഇതിന് പ്രധാന കാരണം നമ്മുടെ പരിചരണത്തിലെ പോരായ്മകള്‍ തന്നെയാണ്. ലാക്റ്ററേറ്റ്…
By Harithakeralam
© All rights reserved | Powered by Otwo Designs
Leave a comment