മലയോര മേഖലയിലും നെല്‍പ്പാടങ്ങളിലുമെല്ലാം ഒരു പോലെ വളരാനുള്ള കഴിവ് കാവേരിക്കുണ്ട്. സുന്ദരി വാഴ, സുഗന്ധി വാഴ, മട്ടിപ്പഴം എന്നീ പേരുകളിലും ഈയിനം അറിയപ്പെടുന്നു.
By Harithakeralam
ഒറ്റനോട്ടത്തില്‍ റോബസ്റ്റയാണെന്നേ തോന്നൂ... ഞാലിപ്പൂവന്‍ പഴത്തിന്റെ കനമുള്ള നമ്മുടെ വിരലിനോട് സാമ്യമുള്ള പഴം. പ്രകൃതിയുടെ അമൃത് എന്നറിയപ്പെടുന്ന വാഴയിനം... പുതിയ തലമുറയ്ക്ക് അപരിചിതമായ കാവേരി ഇനം വാഴയെക്കുറിച്ചാണ് പറയുന്നത്. പണ്ടു കാലത്ത് നമ്മുടെ നാട്ടില്‍ ധാരാളമായി കാവേരി വാഴ കൃഷി ചെയ്തിരുന്നു, എന്നാലിപ്പോള്‍ വളരെ അപൂര്‍വമാണ് ഈയിനം.
പേരു സൂചിപ്പിക്കും പോലെ കര്‍ണാടകയാണ് കാവേരി വാഴയുടെ ജന്മദേശം. കാവേരി നദിയുടെ കരയിലുള്ള പ്രദേശങ്ങളില്‍ ഈയിനം ഇപ്പോഴും ധാരാളം കൃഷി ചെയ്യുന്നുണ്ട്. കേരളത്തിലെ കാലാവസ്ഥയിലും നല്ല വിളവ് തരും. ഇതിനാല്‍ നമ്മുടെ നാട്ടിലും കാവേരി വാഴ വളരെപ്പെട്ടെന്ന് പ്രചാരത്തിലായി. മലയോര മേഖലയിലും നെല്‍പ്പാടങ്ങളിലുമെല്ലാം ഒരു പോലെ വളരാനുള്ള കഴിവ് കാവേരിക്കുണ്ട്. സുന്ദരി വാഴ, സുഗന്ധി വാഴ, മട്ടിപ്പഴം എന്നീ പേരുകളിലും ഈയിനം അറിയപ്പെടുന്നു.
.png)
കൃഷി ചെയ്യാന്‍ ഏറെ എളുപ്പമാണ് കാവേരി വാഴ. തീരെ കുറച്ച് സ്ഥലം മാത്രം മതി വളരാന്‍. വീട്ട്മുറ്റത്തോ തെങ്ങിന്‍ തോപ്പിലോ ടെറസിലോ വളര്‍ത്താം. വലിയ ചട്ടിയിലും ഡ്രമ്മിലുമെല്ലാം വളര്‍ത്താന്‍ ഏറെ അനുയോജ്യമായ ഇനമാണ്. കന്ന് പിരിച്ചു നടേണ്ട കാര്യവുമില്ല, ഒന്നില്‍ നിന്നും മുളപൊട്ടി കൂട്ടത്തോടെ വളര്‍ന്നാലും കുലയ്ക്കും. മൂന്നു മാസം കൊണ്ടു വാഴ കുലയ്ക്കും, ആറ് മാസം കൊണ്ടു വെട്ടിയെടുക്കാം. നല്ല പോലെ പഴുത്താല്‍ കുലയില്‍ നിന്നും പഴം അടര്‍ന്നു വീഴും. ജൈവ വളങ്ങള്‍ മാത്രം നല്‍കിയാല്‍ തന്നെ മികച്ച വിളവ് ലഭിക്കും.
മറ്റിനം വാഴപ്പഴങ്ങളെ അപേക്ഷിച്ച് നിരവധി ഔഷധ ഗുണങ്ങളും കാവേരിക്കുണ്ട്. പ്രമേഹ രോഗികള്‍ക്ക് ഈ പഴം കഴിക്കാം. ഇതിന്റെ പിണ്ടി ചതച്ചരച്ച് കുടിക്കുന്നതു മൂത്രത്തില്‍ കല്ലുള്ളവര്‍ക്ക് നല്ലതാണ്. സാധാരണ തോരന്‍വച്ചും കഴിക്കാം. പ്രോട്ടീന്‍, വൈറ്റമിന്‍ എന്നിവ ധാരാളം പഴത്തിലുണ്ട്, കുട്ടികള്‍ക്ക് ദഹനത്തിനും കാവേരിപ്പഴം കഴിക്കുന്നത് ഗുണം ചെയ്യും.
.jpg){kind=tracking}
ജനുവരി ഫെബ്രുവരി മാസത്തില്‍ നട്ട റെഡ് ലേഡി പപ്പായ തൈകള്‍ നല്ല വളര്‍ച്ച നേടിയിട്ടുണ്ടാകും. നല്ല വെയില്‍ അനുകൂല ഘടകമാണെങ്കിലും നനയും മറ്റു പരിപാലനവും കൃത്യമായി നല്‍കിയിട്ടില്ലെങ്കില്‍ ചെടികള്‍ നശിച്ചു പോകാന്‍…
By Harithakeralam
കേരളത്തിലിപ്പോള്‍ കര്‍ഷകന് നല്ല വില ലഭിക്കുന്ന വിളയാണ് വാഴപ്പഴം. നേന്ത്രന് വില കാലങ്ങളായി 60 ന് മുകളിലാണ്. മറ്റിനം വാഴപ്പഴങ്ങള്‍ക്കും മികച്ച വില ലഭിക്കുന്നു. ഒരു കാലത്ത് വലിയ പരിചരണമൊന്നുമില്ലാതെ നമ്മുടെ…
By Harithakeralam
തമിഴ്‌നാട്ടിലെ കടലൂര്‍ ജില്ലയിലെ ഒരു പട്ടണമാണ് പന്റുട്ടി. ഇന്ത്യയില്‍ ചക്കയുടെ സ്വര്‍ഗം, ചക്കയുടെ തലസ്ഥാനം അഥവാ ജാക്ക് ഫ്രൂട്ട് ക്യാപിറ്റല്‍ ഒഫ് ഇന്ത്യ എന്നാണ് ഈ നാട് അറിയപ്പെടുന്നത്. കാരണം ഇവിടെ മുഴുവന്‍…
By Harithakeralam
ചുവന്ന തുടുത്തിരിക്കുന്ന ചാമ്പക്ക കണ്ടാല്‍ തന്നെ പൊട്ടിച്ച് കഴിക്കാന്‍ തോന്നും. ചാമ്പക്ക ഉപ്പും മുളകുമെല്ലാം കൂട്ടി കഴിച്ചിരുന്ന ബാല്യകാലം മുതിര്‍ന്ന തലമുറയ്ക്കുണ്ടായിരിക്കും. അന്നൊക്കെ ചുവന്നു തുടുത്ത…
By Harithakeralam
R2E2... പേരുകേട്ടാല്‍ വല്ല രാസനാമവുമാണെന്ന് കരുതും. പക്ഷേ, സംഗതിയൊരു മാവിന്റെ പേരാണ്. ഓസ്‌ട്രേലിയന്‍ സ്വദേശിയായ മാമ്പഴമാണിത്. വാണിജ്യമായി കൃഷി ചെയ്യാന്‍ അനുയോജ്യമായ ഈയിനം നമ്മുടെ നാട്ടിലും നല്ല പോലെ വളരും.…
By Harithakeralam
ഏറെ ആശയോടെയാണ് നാം മാവിന്‍ തൈകള്‍ വാങ്ങി വീട്ട്മുറ്റത്ത് നടുക. നാടന്‍ മാവുകള്‍ വളര്‍ന്നു വിളവ് തരാന്‍ വര്‍ഷങ്ങള്‍ വേണ്ടി വരും, എന്നാല്‍ ഒട്ടുമാവുകളില്‍ ചുരുങ്ങിയ കാലം കൊണ്ടു മാങ്ങകളുണ്ടാകും. ഇതിനിടെ പല…
By Harithakeralam
ബട്ടര്‍ഫ്രൂട്ട്' എന്ന അന്വര്‍ത്ഥമായ പേരില്‍ അറിയപ്പെടുന്ന അവൊക്കാഡോ മെക്‌സിക്കന്‍ വനാന്തരങ്ങളുടെ സംഭാവനയാണ്. ഉഷ്ണമേഖലാ സാഹചര്യമുള്ള എല്ലാ പ്രദേശങ്ങളിലും സുലഭമായി വളരുന്ന അവൊക്കാഡോ, ക്രിസ്ത്യന്‍ മിഷണറിമാരാണ്…
By Harithakeralam
മത്തന്‍ കുത്തിയാല്‍ കുമ്പളം മുളയ്ക്കില്ലെന്നാണ് പഴം ചൊല്ല്. എന്നാല്‍ മത്തന്‍ തന്നെ മര്യാദയ്ക്ക് വിളയുന്നില്ലെന്നാണ് കര്‍ഷകരുടെ പരാതി. ഇതിന് പ്രധാന കാരണം നമ്മുടെ പരിചരണത്തിലെ പോരായ്മകള്‍ തന്നെയാണ്. ലാക്റ്ററേറ്റ്…
By Harithakeralam
© All rights reserved | Powered by Otwo Designs
Leave a comment