തണ്ണീര്‍മത്തന്‍ കൃഷി തുടങ്ങാനുള്ള സമയമാണിത്. കീടങ്ങളുടെ ആക്രമണം വിത്തിട്ട അന്നു മുതലുണ്ടാകുന്ന വിളയാണിത്, അതിനാല്‍ കൃത്യമായ പരിചരണം അത്യാവശ്യം.
By Harithakeralam
ഡിസംബര്‍ തുടങ്ങിയിട്ടേയുള്ളൂ... കൊടും ചൂടാണീപ്പോഴേ കേരളത്തില്‍. ചൂടിനെ വെല്ലാന്‍ തണ്ണീര്‍മത്തനെപ്പോലെ മറ്റൊരു വസ്തുവില്ല. ചൂടുള്ള കാലാവസ്ഥയില്‍ ശരീരത്തിന് കുളിര്‍മ നല്‍കാന്‍ നല്ലൊരു ഭക്ഷ്യവസ്തുവാണ് തണ്ണീര്‍മത്തന്‍. ഇപ്പോള്‍ കേരളത്തില്‍ മിക്കയിടത്തും തണ്ണീര്‍മത്തന്‍ കൃഷി ചെയ്യുന്നുണ്ട്. വത്തക്ക, കുമ്മട്ടി എന്ന പേരിലും ഇതറിയപ്പെടുന്നു. തണ്ണീര്‍മത്തന്‍ കൃഷി തുടങ്ങാനുള്ള സമയമാണിത്. കീടങ്ങളുടെ ആക്രമണം വിത്തിട്ട അന്നു മുതലുണ്ടാകുന്ന വിളയാണിത്, അതിനാല്‍ കൃത്യമായ പരിചരണം അത്യാവശ്യം.
ഇനങ്ങള്‍ തെരെഞ്ഞെടുക്കാം
വിത്തിന്റെ സെലക്ഷന്‍ കൃഷി വിജയത്തില്‍ പ്രധാനമാണ്. ബാംഗ്ലൂരിലെ ഇന്ത്യന്‍ ഇന്‍സ്റ്റിറ്റ്യൂട്ട് ഒഫ് ഹോട്ടികള്‍ച്ചറല്‍ റിസര്‍ച്ച് പുറത്തിറക്കിയ അര്‍ക്ക ഇനങ്ങള്‍ കേരളത്തിലെ കാലാവസ്ഥയ്ക്ക് ഏറെ നല്ലതാണ്. മാണിക്, ജ്യോതി, ആകാശ്, ശ്യാം തുടങ്ങിയ ഇനങ്ങള്‍ നല്ല തോടും ചുവന്ന കാമ്പും ഉള്ളവയാണ്. കേരള കാര്‍ഷിക സര്‍വകലാശാല പുറത്തിറിക്കയ സ്വര്‍ണ, ശോണിമ, ഷുഗര്‍ ബേബി എന്നിവയും നല്ല വളര്‍ച്ചയുള്ളവയാണ്.
.png)
തടമൊരുക്കാം
കീടങ്ങളുടെ ആക്രമണം പ്രത്യേകിച്ച് മത്തന്‍ വണ്ടിന്റെ ആക്രമണം തണ്ണീര്‍മത്തനില്‍ രൂക്ഷമായിരിക്കും. അതില്‍ ഇപ്പോള്‍ തന്നെ മണ്ണിളക്കി അല്‍പ്പം നനച്ചു വെയില്‍ കൊള്ളിക്കണം. ഇതിലേക്ക് കാല്‍ കിലോ കുമ്മായം കൂടി ചേര്‍ക്കുക. കുറച്ചു ദിവസം നല്ല പോലെ സൂര്യപ്രകാശം തടത്തില്‍ ലഭിക്കണം. തുടര്‍ന്ന് രണ്ടടി വ്യാസത്തിലും ഒന്നരയടി താഴ്ചയിലും കുഴിയെടുത്ത് വിത്തിടാം. ഒരു തടത്തില്‍ അഞ്ച് വിത്ത് വരെയിടാം. ഉണങ്ങിപ്പൊടി കാലിവളം, 40 ഗ്രാം യൂറി, 25 ഗ്രാം പൊട്ടാഷ് എന്നിവയും തടത്തില്‍ ചേര്‍ക്കണം. ട്രേയില്‍ വിത്തിട്ട് തൈ പറിച്ചു നടുന്ന രീതിയും നല്ലതാണ്.
കീടങ്ങളെ തുരത്താം
മത്തന്‍ വണ്ടാണ് തണ്ണീര്‍മത്തന്റെ പ്രധാന ശത്രു. വിത്തിടുന്നതു മുതല്‍ ഈ കീടത്തിന്റെ ശല്യമുണ്ടായിരിക്കും. കുഞ്ഞു തൈയാകുമ്പോള്‍ തന്നെ ഇവ ആക്രമണം തുടങ്ങും, ഇല തിന്ന് അരിപ്പ പോലാകും. പുഴുക്കല്‍ തണ്ടില്‍ കുത്തികയറും വേരും നശിപ്പിക്കും. ബിവേറിയ എന്ന മിത്ര കുമില്‍ നടുമ്പോള്‍ തന്നെ ഒഴിച്ചു കൊടുത്ത് മത്തന്‍ വണ്ടിനെ തുരത്താം. വിത്ത് ഇടുന്ന അന്നു തന്നെ ബിവേറിയ 20 ഗ്രാം ഒരു ലിറ്റര്‍ വെള്ളത്തില്‍ എന്ന തോതില്‍ കലക്കി തളിക്കണം. വെര്‍ട്ടിസീലിയം ലക്കാനിയും ഇതേ രീതില്‍ ഉപയോഗിക്കാം. ചെടി വളരാന്‍ കാത്തു നില്‍ക്കരുത്, അതിന് മുന്നേ തളിക്കണം. ഇലകള്‍ വന്നു തുടങ്ങിയാല്‍ മൂന്ന് മില്ലി വേപ്പെണ്ണ, 3 മില്ലി ഷാംപൂ എന്നിവ ഒരു ലിറ്റര്‍ വെള്ളത്തില്‍ കലക്കി സ്‌പ്രേ ചെയ്യണം. കായീച്ച, ആമവണ്ട് എന്നിവയെ തുരത്താനിതു സഹായിക്കും.
വള്ളി വീശിയാല്‍ പ്രൂണിങ്
നന്നായി വള്ളി വീശി തുടങ്ങിയാല്‍ പ്രൂണിങ് ചെയ്തു നല്‍കണം. എന്നാല്‍ മാത്രമേ നല്ല പോലെ കായ്ക്കൂ. വളളി വീശിപോകുന്ന ഇടങ്ങളില്‍ കരിയിലയോ ഉണങ്ങിയ തെങ്ങിന്‍ പട്ടയോ ഇട്ടു കൊടുക്കുന്നത് നല്ലതാണ്. ഇടയ്ക്ക് പൊട്ടാഷ് ചേര്‍ത്തു നല്‍കാം. ചാണകം- ഗോമൂത്രം-കടപ്പിണ്ണാക്ക് പുളിപ്പിച്ച് ഇലകളില്‍ തളിക്കുന്നതും തടത്തിലൊഴിക്കുന്നതും നല്ലതാണ്. ഗുണനിലവാരമുള്ള സ്യൂഡോമോണസ് തളിക്കുന്നതും ഗുണം ചെയ്യും.
.jpg){kind=tracking}
ജനുവരി ഫെബ്രുവരി മാസത്തില്‍ നട്ട റെഡ് ലേഡി പപ്പായ തൈകള്‍ നല്ല വളര്‍ച്ച നേടിയിട്ടുണ്ടാകും. നല്ല വെയില്‍ അനുകൂല ഘടകമാണെങ്കിലും നനയും മറ്റു പരിപാലനവും കൃത്യമായി നല്‍കിയിട്ടില്ലെങ്കില്‍ ചെടികള്‍ നശിച്ചു പോകാന്‍…
By Harithakeralam
കേരളത്തിലിപ്പോള്‍ കര്‍ഷകന് നല്ല വില ലഭിക്കുന്ന വിളയാണ് വാഴപ്പഴം. നേന്ത്രന് വില കാലങ്ങളായി 60 ന് മുകളിലാണ്. മറ്റിനം വാഴപ്പഴങ്ങള്‍ക്കും മികച്ച വില ലഭിക്കുന്നു. ഒരു കാലത്ത് വലിയ പരിചരണമൊന്നുമില്ലാതെ നമ്മുടെ…
By Harithakeralam
തമിഴ്‌നാട്ടിലെ കടലൂര്‍ ജില്ലയിലെ ഒരു പട്ടണമാണ് പന്റുട്ടി. ഇന്ത്യയില്‍ ചക്കയുടെ സ്വര്‍ഗം, ചക്കയുടെ തലസ്ഥാനം അഥവാ ജാക്ക് ഫ്രൂട്ട് ക്യാപിറ്റല്‍ ഒഫ് ഇന്ത്യ എന്നാണ് ഈ നാട് അറിയപ്പെടുന്നത്. കാരണം ഇവിടെ മുഴുവന്‍…
By Harithakeralam
ചുവന്ന തുടുത്തിരിക്കുന്ന ചാമ്പക്ക കണ്ടാല്‍ തന്നെ പൊട്ടിച്ച് കഴിക്കാന്‍ തോന്നും. ചാമ്പക്ക ഉപ്പും മുളകുമെല്ലാം കൂട്ടി കഴിച്ചിരുന്ന ബാല്യകാലം മുതിര്‍ന്ന തലമുറയ്ക്കുണ്ടായിരിക്കും. അന്നൊക്കെ ചുവന്നു തുടുത്ത…
By Harithakeralam
R2E2... പേരുകേട്ടാല്‍ വല്ല രാസനാമവുമാണെന്ന് കരുതും. പക്ഷേ, സംഗതിയൊരു മാവിന്റെ പേരാണ്. ഓസ്‌ട്രേലിയന്‍ സ്വദേശിയായ മാമ്പഴമാണിത്. വാണിജ്യമായി കൃഷി ചെയ്യാന്‍ അനുയോജ്യമായ ഈയിനം നമ്മുടെ നാട്ടിലും നല്ല പോലെ വളരും.…
By Harithakeralam
ഏറെ ആശയോടെയാണ് നാം മാവിന്‍ തൈകള്‍ വാങ്ങി വീട്ട്മുറ്റത്ത് നടുക. നാടന്‍ മാവുകള്‍ വളര്‍ന്നു വിളവ് തരാന്‍ വര്‍ഷങ്ങള്‍ വേണ്ടി വരും, എന്നാല്‍ ഒട്ടുമാവുകളില്‍ ചുരുങ്ങിയ കാലം കൊണ്ടു മാങ്ങകളുണ്ടാകും. ഇതിനിടെ പല…
By Harithakeralam
ബട്ടര്‍ഫ്രൂട്ട്' എന്ന അന്വര്‍ത്ഥമായ പേരില്‍ അറിയപ്പെടുന്ന അവൊക്കാഡോ മെക്‌സിക്കന്‍ വനാന്തരങ്ങളുടെ സംഭാവനയാണ്. ഉഷ്ണമേഖലാ സാഹചര്യമുള്ള എല്ലാ പ്രദേശങ്ങളിലും സുലഭമായി വളരുന്ന അവൊക്കാഡോ, ക്രിസ്ത്യന്‍ മിഷണറിമാരാണ്…
By Harithakeralam
മത്തന്‍ കുത്തിയാല്‍ കുമ്പളം മുളയ്ക്കില്ലെന്നാണ് പഴം ചൊല്ല്. എന്നാല്‍ മത്തന്‍ തന്നെ മര്യാദയ്ക്ക് വിളയുന്നില്ലെന്നാണ് കര്‍ഷകരുടെ പരാതി. ഇതിന് പ്രധാന കാരണം നമ്മുടെ പരിചരണത്തിലെ പോരായ്മകള്‍ തന്നെയാണ്. ലാക്റ്ററേറ്റ്…
By Harithakeralam
© All rights reserved | Powered by Otwo Designs
Leave a comment