ശക്തമായ ചൂടില്‍ വാടി നില്‍ക്കുന്ന അടുക്കളത്തോട്ടത്തിനൊരു പുതുജീവന്‍ പകരാന്‍ വേനല്‍മഴയ്ക്ക് കഴിയും
By Harithakeralam
കടുത്ത വേനലിന് ചെറിയൊരു ശമനം നല്‍കി കേരളത്തില്‍ എല്ലായിടത്തും വേനല്‍മഴ ലഭിച്ചു. ശക്തമായ ചൂടില്‍ വാടി നില്‍ക്കുന്ന അടുക്കളത്തോട്ടത്തിനൊരു പുതുജീവന്‍ പകരാന്‍ വേനല്‍മഴയ്ക്ക് കഴിയും. വേനല്‍ കടുത്തതോടെ വലിയ വിളവൊന്നുമില്ലാതെ മുരടിച്ചു നില്‍ക്കുകയായിരിക്കും പച്ചക്കറികളെല്ലാം. പുതുമഴ ലഭിച്ചതോടെ ഇവയെല്ലാം സജീവമാക്കാം. വരും ദിവസങ്ങളിലും ഇടയ്ക്ക് മഴ ലഭിക്കുമെന്നാണ് കാലാവസ്ഥ പ്രവചനം. അടുക്കളത്തോട്ടങ്ങള്‍ സജീവമാക്കി കൂടുതല്‍ വിളവ് ലഭിക്കാന്‍ സ്വീകരിക്കേണ്ട മാര്‍ഗങ്ങള്‍.
1. മികച്ച വിളവ് ലഭിക്കാന്‍ ചെടികള്‍ പ്രൂണ്‍ ചെയ്യല്‍ നല്ലൊരു വിദ്യയാണ്. നിലവിലുള്ളതും വിളവ് കുറഞ്ഞതുമായ കോവല്‍, വഴുതന, പച്ചമുളക് , കാന്താരിമുളക് എന്നിവയുടെ ശിഖിരങ്ങള്‍ കോതി വിടാന്‍ (പ്രൂണിങ്ങ് ) പറ്റിയ സമയമാണ് ഇപ്പോള്‍. ഇങ്ങനെ ചെയ്താല്‍ പുതിയ തളിര്‍പ്പുകളും ശിഖിരങ്ങളും വന്നു പെട്ടന്നു തന്നെ വീണ്ടും വിളവ് ലഭിക്കും.
2. മഴ ലഭിച്ചതോടെ പച്ചക്കറിത്തടത്തില്‍ പെട്ടെന്നു ചീയുന്ന ജൈവ അവശിഷ്ടങ്ങളിട്ട് ജൈവ വളങ്ങള്‍ വിതറി മണ്ണു കയറ്റി കൊടുക്കുക. ഇങ്ങനെ ചെയ്യുന്നതോടെ ശോഷിച്ച ചെടികള്‍ പെട്ടെന്ന് ആരോഗ്യമുള്ളതായി മാറും. വേഗത്തില്‍ വിളവ് ലഭിക്കാനും സഹായിക്കും.
3. ഗ്രോബാഗില്‍ വളര്‍ത്തുന്ന പച്ചക്കറികള്‍ക്ക് ജൈവകമ്പോസ്റ്റും വളവുമിട്ടു മണ്ണ് വിതറി കൊടുക്കണം .കാലാവസ്ഥ മാറിയതോടെ ചെടികള്‍ ആരോഗ്യത്തോടെ വളര്‍ന്നു വന്നു കൊള്ളും.
.png)
4. പുതുമഴ ലഭിക്കുന്നതോടെ ഇഞ്ചി, മഞ്ഞള്‍ എന്നിവ നടാനുള്ള ഒരുക്കങ്ങള്‍ ആരംഭിക്കാം.മെയ് അവസാനത്തോടെ ഇഞ്ചി, മഞ്ഞള്‍ എന്നിവ തടങ്ങളെടുത്തു നടാം.
5. കപ്പ, ചേന, കാവിത്ത്, ചേമ്പ് എന്നിവ നടാന്‍ പറ്റിയ സമയമാണ് ഇപ്പോള്‍.
6. തൈ തെങ്ങുകള്‍ക്ക് വേനല്‍ മഴ ലഭിക്കുന്നതോടെ എല്ലുപൊടി, വേപ്പിന്‍പ്പിണ്ണാക്ക്, ചാണകപ്പൊടി എന്നിവയിട്ടു മണ്ണ് വിതറിയാല്‍ ആരോഗ്യത്തോടെ വളരും.
7. കായ്ഫലം തരുന്ന തെങ്ങുകള്‍ക്ക് പൊട്ടാഷ് വളമായ ചാരം തെങ്ങ് ഒന്നിന് രണ്ട് കൊട്ട തടത്തില്‍ വിതറുന്നത് ഈ സമയത്ത് വളരെ നല്ലതാണ്.8. പച്ചക്കറി തൈകള്‍ തയ്യാറാക്കാന്‍ അനുയോജ്യമായ സമയമാണിത്. മഴക്കാലത്ത് പച്ചക്കറി കൃഷി വിജയിക്കണമെങ്കില്‍ നാലില പ്രായമായ വലിയ തൈകള്‍ വേണം നടാന്‍. വഴുതന, തക്കാളി, പച്ചമുളക് എന്നിവ ഇങ്ങനെ വേണം നടാന്‍. ഇപ്പോള്‍ തൈകള്‍ തയ്യാറാക്കിയാല്‍ ജൂണ്‍ ആകുമ്പോഴെക്കും നടാം പറ്റിയ പ്രായമാകും.
.jpg){kind=tracking}
ധാരാളം ജൈവമാലിന്യങ്ങളാണ് നാം അടുക്കളയില്‍ നിന്നൊരു ദിവസം പുറം തള്ളുന്നത്. നഗരങ്ങളിലും മറ്റും താമസിക്കുന്നവര്‍ക്ക് ഇവയുടെ നിര്‍മാജനം വലിയൊരു തലവേദനയാണ്. മുട്ടത്തോട്,പച്ചക്കറികളുടെ തൊലി, ഉരുളക്കിഴങ്ങ് ,…
By Harithakeralam
തക്കാളി കൃഷിയുടെ കാര്യത്തില്‍ നമ്മള്‍ കേരളീയര്‍ വളരെ പുറകിലാണ്. നമ്മുടെ കാലാവസ്ഥയും മണ്ണിലെ കൂടിയ അസിഡിറ്റിയുമാണ് പ്രധാന കാരണം. ഗ്രോബാഗില്‍ കുറച്ച് തക്കാളിച്ചെടികള്‍ വളര്‍ത്തുകയാണെങ്കില്‍ വീട്ടാവശ്യത്തിനുള്ളവ…
By Harithakeralam
വേനലില്‍ കൃഷിത്തോട്ടം വാടാതിരിക്കാന്‍ നല്ല ശ്രദ്ധ കൊടുക്കണം. കറിവേപ്പ് നന്നായി വളരാനും പച്ചമുളകിലെ കായ് പൊഴിച്ചില്‍ ഒഴിവാക്കാനും തുടങ്ങി കര്‍ഷകര്‍ക്ക് സഹായകമാകുന്ന ചില നാട്ടറിവുകള്‍.
By Harithakeralam
വേനല്‍ മഴ നല്ല പോലെ ലഭിച്ചതോടെ പച്ചക്കറി ചെടികളെല്ലാം നല്ല പോലെ വളര്‍ന്നു ധാരാളം ഇലകളെല്ലാമുണ്ടായി നില്‍ക്കുകയായിരിക്കും. ഇലകളാണ് എല്ലാ ചെടികളുടെയും പ്രധാന ഭാഗം. നിരവധി കീടങ്ങളും രോഗങ്ങളും ഇലകളെ…
By Harithakeralam
കരിയില ധാരാളം ലഭിക്കുന്ന സമയമാണിപ്പോള്‍. കരിയില കത്തിക്കാതെ ചെടികളുടെ തടത്തിലിട്ടു കൊടുക്കാം. മണ്ണിന്റെ ഊഷ്മാവ് ക്രമീകരിക്കാനിതു സഹായിക്കും. കത്തുന്ന വേനലിലും തണുപ്പും ചൂടും മണ്ണിനും വിളകള്‍ക്കും ഇതിലൂടെ…
By Harithakeralam
വെയിലും മഴയും മഞ്ഞുമൊന്നും പ്രശ്‌നമാക്കാതെ നല്ല വിളവ് തരുന്ന പച്ചക്കറിയാണ് വെണ്ട. പൊള്ളുന്ന വെയിലത്തും കോരിച്ചൊരിയുന്ന മഴക്കാലത്തും വെണ്ട ഒരു പോലെ വിളവ് തരും. ഉത്സവ സീസണുകളില്‍ വെണ്ടയ്ക്ക് നല്ല വിലയും…
By Harithakeralam
മുട്ടത്തോടും ചായച്ചണ്ടിയും ആവശ്യം കഴിഞ്ഞാല്‍ പഴാക്കി കളയാറാണ് പതിവ്. എന്നാലിവ കൊണ്ട് ചെടികള്‍ക്ക് നല്ലൊരു വളര്‍ച്ചാ ഹോര്‍മോണ്‍ തയാറാക്കാം. പൂന്തോട്ടത്തിലെയും പച്ചക്കറി ചെടികളും നന്നായി പൂക്കാന്‍ ഇതു വളരെ…
By Harithakeralam
വേനല്‍ക്കാലത്ത് ടെറസില്‍ പച്ചക്കറി നല്ല വിളവ് തരും. നല്ല വെയിലത്ത് പരിചരണം നന്നായി നല്‍കിയാല്‍ മികച്ച വിളവ് ടെറസ് കൃഷിയില്‍ നിന്നും സ്വന്തമാക്കാം. സ്വാഭാവികമായ മണ്ണിലല്ലാതെ ഗ്രോബാഗിലും ചട്ടിയിലുമെല്ലാം…
By Harithakeralam
© All rights reserved | Powered by Otwo Designs
Leave a comment