കഴിഞ്ഞ മഴക്കാലത്ത് നട്ട ഫല വൃക്ഷ തൈകള്‍ക്ക് പ്രത്യേക സംരക്ഷണം നല്‍കേണ്ട സമയമാണിപ്പോള്‍.
By Harithakeralam
വേനല്‍ച്ചൂടിന്റെ ശക്തി ഓരോ ദിവസവും കൂടിക്കൊണ്ടിരിക്കുകയാണ്. വേനല്‍ മഴ പേരിനു പോലും ലഭിച്ചിട്ടില്ല. ഏപ്രില്‍-മേയ് മാസങ്ങളിലെ കൊടും ചൂട് നമുക്ക് മുന്നിലുണ്ട്. കഴിഞ്ഞ മഴക്കാലത്ത് നട്ട ഫല വൃക്ഷ തൈകള്‍ക്ക് പ്രത്യേക സംരക്ഷണം നല്‍കേണ്ട സമയമാണിപ്പോള്‍. ഇല്ലെങ്കില്‍ വലിയ വില കൊടുത്ത് വാങ്ങി നട്ട ചെടികള്‍ നശിച്ചു പോകാന്‍ കാരണമാകും.
മണ്ണില്‍ നട്ട് ഒരു വര്‍ഷമായ ചെടികള്‍ക്ക് വേനലില്‍ പ്രത്യേക പരിചരണം നല്‍കണം. ഈ വേനല്‍ കടന്നു കിട്ടിയാല്‍ പിന്നെ അവ നല്ല പോലെ വളര്‍ന്നു കൊളളും. ഇപ്പോള്‍ ശോഷിച്ചു പോയാല്‍ വളര്‍ച്ചയെ അതു പ്രതികൂലമായി ബാധിക്കും.
.png)
നന പ്രധാനം
നട്ട് ഒരു വര്‍ഷമായ തൈകള്‍ക്ക് പ്രത്യേക ശ്രദ്ധ ആവശ്യമാണ്. കൃത്യമായി ജലസേചനം നല്‍കുകയെന്നതാണ് പ്രധാന കാര്യം. ആഴ്ചയില്‍ മൂന്നു തവണയെങ്കിലും നനയ്ക്കണം. ഒന്നിടവിട്ട ദിവസങ്ങളില്‍ നനയ്ക്കാന്‍ സൗകര്യമുണ്ടെങ്കില്‍ ഏറെ നല്ലതാണ്. എന്നാല്‍ തടത്തില്‍ വലിയ തോതില്‍ വെള്ളം കെട്ടിക്കിടക്കാനും പാടില്ല. ഫംഗസ് രോഗങ്ങള്‍ക്കിതു കാരണമാകും.
മറ നല്‍കാം
ചെറിയ ചെടികള്‍ക്ക് ശക്തമായ വെയിലില്‍ നിന്നും രക്ഷനേടാനായി മറ നല്‍കുന്നത് നല്ലതാണ്. ചുവട്ടില്‍ നിന്നുമൊരടി അകലത്തില്‍ ചെടിയുടെ ഉയരത്തോളം വരുന്ന നാലു കമ്പുകള്‍ കുത്തി നാട്ടുക. അതിനു ചുറ്റും തെങ്ങ് /കമുക് പട്ടകള്‍, വാഴയുടെ ഉണങ്ങിയ ഇലകള്‍, തണല്‍ നല്‍കുന്ന തരം വലകള്‍ എന്നിവ ഉപയോഗിച്ച് മറ തയാറാക്കാം. മുകളില്‍ നിന്നും സൂര്യ പ്രകാശം ലഭിക്കുന്ന വിധത്തിലായിരിക്കണമിതു തയാറാക്കേണ്ടത്. തണ്ട് മണ്ണില്‍ മുട്ടുന്ന ഭാഗത്തു മണ്ണ് ചൂടായി തൊലി ഉണങ്ങി മുകളിലേക്കുള്ള ജലത്തിന്റെ സെര്‍ക്യൂട്ട് നിന്ന് പോയാണ് ചെടി ഉണങ്ങിപ്പോകുന്നത്. ഇലകള്‍ക്ക് സൂര്യപ്രകാശം ലഭിക്കേണ്ടത് അത്യാവശ്യമാണ്. ഇതിനാല്‍ ചെടിയുടെ ചുവട്ടില്‍ മറകൊടുക്കണം.
പുതയിടാം
ചെടികളുടെ ചുവട്ടില്‍ പുതയിടുന്ന രീതി നാമെല്ലാം പ്രയോഗിക്കുന്നതാണ്. ചകിരി, വാഴപ്പിണ്ടി, കരിയിലകള്‍ തുടങ്ങിയവയെല്ലാം പുതയിടാനായി ഉപയോഗിക്കാം. മറയൊരുക്കുന്നതിന് മുമ്പ് പുതയിടുന്നതുമേറെ നല്ലതാണ്. ചെടിയുടെ ചുവട്ടില്‍ തണ്ടും മണ്ണും കൂട്ടിമുട്ടുന്ന ഭാഗത്തു സൂര്യ പ്രകാശമേല്‍ക്കാത്ത വിധത്തിലാണ് പുതയിടേണ്ടത്.
നട്ട് രണ്ടോ മൂന്നോ വര്‍ഷമായ ചെടികള്‍ക്ക് അത്യാവശ്യം തടിയൊക്കെ വന്നിട്ടുണ്ടാകും. നന, വളപ്രയോഗം തുടങ്ങിയ കാര്യങ്ങളൊക്കെ ഈ സമയത്ത് കൃത്യമായി ചെയ്യണം.
വെള്ള പൂശല്‍
രണ്ടാം വര്‍ഷം മുതല്‍ ചെടിക്കു തടി വന്നു കഴിഞ്ഞാല്‍ അടിയിലെ ഇലകളെല്ലാം കൊഴിഞ്ഞു പോകും. ആ ഭാഗങ്ങളില്‍ ബ്രൗണ്‍ കളറായയ തണ്ടുണ്ടാകും. ഇവിടെ വെള്ള പൂശുന്നതു നല്ലതാണ്. കുമ്മായം വെള്ളത്തില്‍ കലക്കി ബ്രഷ് ഉപയോഗിച്ചു പൂശുകയാണ് വേണ്ടത്.
രാസവളപ്രയോഗങ്ങള്‍ അരുത്
ചെടിയുടെ ചുവട്ടില്‍ മണ്ണ് ചൂടാവാതിരിക്കാനുള്ള പ്രവര്‍ത്തനങ്ങളെല്ലാം ചെയ്യുക. വേനല്‍കാലത്തു രാസവള പ്രയോഗം നിര്‍ബന്ധമായും ഒഴിവാക്കണം. ചെടികളുടെ ചുവട്ടിലെ കളകള്‍ സമയത്ത് നീക്കം ചെയ്യണം. വേനല്‍ കഴിഞ്ഞു മഴ തുടങ്ങിയാല്‍ മറനീക്കി ചുവടു ഇളക്കി വളങ്ങളും മറ്റും ചെയ്യാം.
.jpg){kind=tracking}
ജനുവരി ഫെബ്രുവരി മാസത്തില്‍ നട്ട റെഡ് ലേഡി പപ്പായ തൈകള്‍ നല്ല വളര്‍ച്ച നേടിയിട്ടുണ്ടാകും. നല്ല വെയില്‍ അനുകൂല ഘടകമാണെങ്കിലും നനയും മറ്റു പരിപാലനവും കൃത്യമായി നല്‍കിയിട്ടില്ലെങ്കില്‍ ചെടികള്‍ നശിച്ചു പോകാന്‍…
By Harithakeralam
കേരളത്തിലിപ്പോള്‍ കര്‍ഷകന് നല്ല വില ലഭിക്കുന്ന വിളയാണ് വാഴപ്പഴം. നേന്ത്രന് വില കാലങ്ങളായി 60 ന് മുകളിലാണ്. മറ്റിനം വാഴപ്പഴങ്ങള്‍ക്കും മികച്ച വില ലഭിക്കുന്നു. ഒരു കാലത്ത് വലിയ പരിചരണമൊന്നുമില്ലാതെ നമ്മുടെ…
By Harithakeralam
തമിഴ്‌നാട്ടിലെ കടലൂര്‍ ജില്ലയിലെ ഒരു പട്ടണമാണ് പന്റുട്ടി. ഇന്ത്യയില്‍ ചക്കയുടെ സ്വര്‍ഗം, ചക്കയുടെ തലസ്ഥാനം അഥവാ ജാക്ക് ഫ്രൂട്ട് ക്യാപിറ്റല്‍ ഒഫ് ഇന്ത്യ എന്നാണ് ഈ നാട് അറിയപ്പെടുന്നത്. കാരണം ഇവിടെ മുഴുവന്‍…
By Harithakeralam
ചുവന്ന തുടുത്തിരിക്കുന്ന ചാമ്പക്ക കണ്ടാല്‍ തന്നെ പൊട്ടിച്ച് കഴിക്കാന്‍ തോന്നും. ചാമ്പക്ക ഉപ്പും മുളകുമെല്ലാം കൂട്ടി കഴിച്ചിരുന്ന ബാല്യകാലം മുതിര്‍ന്ന തലമുറയ്ക്കുണ്ടായിരിക്കും. അന്നൊക്കെ ചുവന്നു തുടുത്ത…
By Harithakeralam
R2E2... പേരുകേട്ടാല്‍ വല്ല രാസനാമവുമാണെന്ന് കരുതും. പക്ഷേ, സംഗതിയൊരു മാവിന്റെ പേരാണ്. ഓസ്‌ട്രേലിയന്‍ സ്വദേശിയായ മാമ്പഴമാണിത്. വാണിജ്യമായി കൃഷി ചെയ്യാന്‍ അനുയോജ്യമായ ഈയിനം നമ്മുടെ നാട്ടിലും നല്ല പോലെ വളരും.…
By Harithakeralam
ഏറെ ആശയോടെയാണ് നാം മാവിന്‍ തൈകള്‍ വാങ്ങി വീട്ട്മുറ്റത്ത് നടുക. നാടന്‍ മാവുകള്‍ വളര്‍ന്നു വിളവ് തരാന്‍ വര്‍ഷങ്ങള്‍ വേണ്ടി വരും, എന്നാല്‍ ഒട്ടുമാവുകളില്‍ ചുരുങ്ങിയ കാലം കൊണ്ടു മാങ്ങകളുണ്ടാകും. ഇതിനിടെ പല…
By Harithakeralam
ബട്ടര്‍ഫ്രൂട്ട്' എന്ന അന്വര്‍ത്ഥമായ പേരില്‍ അറിയപ്പെടുന്ന അവൊക്കാഡോ മെക്‌സിക്കന്‍ വനാന്തരങ്ങളുടെ സംഭാവനയാണ്. ഉഷ്ണമേഖലാ സാഹചര്യമുള്ള എല്ലാ പ്രദേശങ്ങളിലും സുലഭമായി വളരുന്ന അവൊക്കാഡോ, ക്രിസ്ത്യന്‍ മിഷണറിമാരാണ്…
By Harithakeralam
മത്തന്‍ കുത്തിയാല്‍ കുമ്പളം മുളയ്ക്കില്ലെന്നാണ് പഴം ചൊല്ല്. എന്നാല്‍ മത്തന്‍ തന്നെ മര്യാദയ്ക്ക് വിളയുന്നില്ലെന്നാണ് കര്‍ഷകരുടെ പരാതി. ഇതിന് പ്രധാന കാരണം നമ്മുടെ പരിചരണത്തിലെ പോരായ്മകള്‍ തന്നെയാണ്. ലാക്റ്ററേറ്റ്…
By Harithakeralam
© All rights reserved | Powered by Otwo Designs
Leave a comment