കേരളത്തിലിത്തവണ മാമ്പഴ ഉത്പാദനം വളരെ കുറഞ്ഞിരിക്കുന്നു. ചൂടില്‍ മാമ്പൂവ് കരിഞ്ഞു പോയതും മാമ്പഴം ചെറുതായപ്പോള്‍ തന്നെ പൊഴിഞ്ഞു വീണതുമെല്ലാം പ്രശ്‌നങ്ങള്‍ സൃഷ്ടിക്കുന്നു.
By Harithakeralam
സമ്പന്നമായൊരു മാമ്പഴക്കാലമാണ് കേരളത്തിലുണ്ടായിരുന്നത്. തൊടിയും റോഡരികിലുമെല്ലാം പേരറിയാത്ത എത്രയോ മാവുകള്‍ തല ഉയര്‍ത്തി നിന്നകാലം, അവയില്‍ നിന്നെല്ലാം രുചികരമായ മാമ്പഴം പെറുക്കി കഴിച്ച ഭൂതകാലം നമ്മുടെ മുതിര്‍ന്ന തലമുറയ്ക്കുണ്ട്. ഇന്ത്യയില്‍ തന്നെ ആദ്യം മാമ്പഴമുണ്ടാകുന്നത് പാലക്കാട് മുതലമടയിലാണ്. എന്നാല്‍ കാലാവസ്ഥ വ്യതിയാനം ഇതെല്ലാം ഓര്‍മകള്‍ മാത്രമാക്കുകയാണ്. കേരളത്തിലിത്തവണ മാമ്പഴ ഉത്പാദനം വളരെ കുറഞ്ഞിരിക്കുന്നു. ചൂടില്‍ മാമ്പൂവ് കരിഞ്ഞു പോയതും മാമ്പഴം ചെറുതായപ്പോള്‍ തന്നെ പൊഴിഞ്ഞു വീണതുമെല്ലാം പ്രശ്‌നങ്ങള്‍ സൃഷ്ടിക്കുന്നു. ഇവയ്ക്കുളള ജൈവരീതിയിലുള്ള പരിഹാരമാര്‍ഗങ്ങള്‍ നോക്കാം.
1. കണ്ണിമാങ്ങാപ്പരുവത്തില്‍ വിണ്ടുകീറി പൊഴിയുന്നതും ചെറിയ മാങ്ങയുടെ ചുണ്ടു ഭാഗത്ത് മഞ്ഞ നിറം വന്നശേഷം അവിടെ ചെറിയ പൊട്ടലുണ്ടായി പൊഴിയുന്നതും ബോറോണിന്റെ കുറവാണ്. ഇതു പരിഹരിക്കാന്‍ ബോറിക് ആസിഡ് ഒരു ഗ്രാം ഒരു ലിറ്റര്‍ വെള്ളത്തിലെന്ന തോതില്‍ കലക്കി സ്‌പ്രേ ചെയ്യുക.
2.ഈ വര്‍ഷത്തെ കാലാവസ്ഥ അനുസരിച്ച് ദിവസേന 3 തവണ നനയ്ക്കുന്നത് മാങ്ങാപൊഴിച്ചില്‍ കുറയാന്‍ സഹായിക്കും.
.png)
3.കായീച്ച നിയന്ത്രണത്തിനുള്ള ഫിറമോണ്‍കെണികള്‍ മാവില്‍നിന്നു തെല്ലകലെയായി ഇരുവശങ്ങളിലും ഓരോന്നു വീതമെങ്കിലും സ്ഥാപിക്കുക.
4.ഉയര്‍ന്ന താപനില ഉള്ളതിനാല്‍ തുള്ളന്‍ ഇനം പ്രാണികള്‍ പെരുകുന്നതിനുള്ള സാധ്യത കാണുന്നു. വിളക്കുകെണികള്‍ ഉപയോഗിച്ച് ഇവയെ നിയന്ത്രിക്കുക.
5. നനയ്ക്കുമ്പോള്‍ മഴ പെയ്യുന്നതു പോലെ ഇലകളിലും മറ്റും വെള്ളമെത്തിക്കാന്‍ ശ്രമിക്കുക.
6. 20 ഗ്രാം സ്യൂഡോമോണസ് ഒരു ലിറ്റര്‍ വെള്ളത്തിലെന്ന തോതില്‍ കലര്‍ത്തി തടത്തിലൊഴിച്ചു കൊടുക്കാം. പൂക്കളില്‍ സ്േ്രപ ചെയ്യാന്‍ പറ്റുകയാണെങ്കില്‍ ഏറ്റവും നല്ലതാണ്. ഉയരം കുറഞ്ഞ മാവുകളാണെങ്കില്‍ സ്േ്രപ ചെയ്യാം. പൂക്കളുണ്ടാക്കാന്‍ സഹായിക്കുന്ന ഹോര്‍മോണുകള്‍ സ്യൂഡോമോണസ് ഉത്പാദിപ്പിക്കും.
7. ഈസമയത്ത് തടത്തില്‍ പുതയിട്ടു കൊടുക്കുന്നതും ഗുണം ചെയ്യും. മാവിന്റെ തന്നെ ഇലകള്‍ ഉപയോഗിച്ച് പുതയിടാം. അല്ലെങ്കില്‍ ചകിരി ഉപയോഗിക്കാം.
.jpg){kind=tracking}
ജനുവരി ഫെബ്രുവരി മാസത്തില്‍ നട്ട റെഡ് ലേഡി പപ്പായ തൈകള്‍ നല്ല വളര്‍ച്ച നേടിയിട്ടുണ്ടാകും. നല്ല വെയില്‍ അനുകൂല ഘടകമാണെങ്കിലും നനയും മറ്റു പരിപാലനവും കൃത്യമായി നല്‍കിയിട്ടില്ലെങ്കില്‍ ചെടികള്‍ നശിച്ചു പോകാന്‍…
By Harithakeralam
കേരളത്തിലിപ്പോള്‍ കര്‍ഷകന് നല്ല വില ലഭിക്കുന്ന വിളയാണ് വാഴപ്പഴം. നേന്ത്രന് വില കാലങ്ങളായി 60 ന് മുകളിലാണ്. മറ്റിനം വാഴപ്പഴങ്ങള്‍ക്കും മികച്ച വില ലഭിക്കുന്നു. ഒരു കാലത്ത് വലിയ പരിചരണമൊന്നുമില്ലാതെ നമ്മുടെ…
By Harithakeralam
തമിഴ്‌നാട്ടിലെ കടലൂര്‍ ജില്ലയിലെ ഒരു പട്ടണമാണ് പന്റുട്ടി. ഇന്ത്യയില്‍ ചക്കയുടെ സ്വര്‍ഗം, ചക്കയുടെ തലസ്ഥാനം അഥവാ ജാക്ക് ഫ്രൂട്ട് ക്യാപിറ്റല്‍ ഒഫ് ഇന്ത്യ എന്നാണ് ഈ നാട് അറിയപ്പെടുന്നത്. കാരണം ഇവിടെ മുഴുവന്‍…
By Harithakeralam
ചുവന്ന തുടുത്തിരിക്കുന്ന ചാമ്പക്ക കണ്ടാല്‍ തന്നെ പൊട്ടിച്ച് കഴിക്കാന്‍ തോന്നും. ചാമ്പക്ക ഉപ്പും മുളകുമെല്ലാം കൂട്ടി കഴിച്ചിരുന്ന ബാല്യകാലം മുതിര്‍ന്ന തലമുറയ്ക്കുണ്ടായിരിക്കും. അന്നൊക്കെ ചുവന്നു തുടുത്ത…
By Harithakeralam
R2E2... പേരുകേട്ടാല്‍ വല്ല രാസനാമവുമാണെന്ന് കരുതും. പക്ഷേ, സംഗതിയൊരു മാവിന്റെ പേരാണ്. ഓസ്‌ട്രേലിയന്‍ സ്വദേശിയായ മാമ്പഴമാണിത്. വാണിജ്യമായി കൃഷി ചെയ്യാന്‍ അനുയോജ്യമായ ഈയിനം നമ്മുടെ നാട്ടിലും നല്ല പോലെ വളരും.…
By Harithakeralam
ഏറെ ആശയോടെയാണ് നാം മാവിന്‍ തൈകള്‍ വാങ്ങി വീട്ട്മുറ്റത്ത് നടുക. നാടന്‍ മാവുകള്‍ വളര്‍ന്നു വിളവ് തരാന്‍ വര്‍ഷങ്ങള്‍ വേണ്ടി വരും, എന്നാല്‍ ഒട്ടുമാവുകളില്‍ ചുരുങ്ങിയ കാലം കൊണ്ടു മാങ്ങകളുണ്ടാകും. ഇതിനിടെ പല…
By Harithakeralam
ബട്ടര്‍ഫ്രൂട്ട്' എന്ന അന്വര്‍ത്ഥമായ പേരില്‍ അറിയപ്പെടുന്ന അവൊക്കാഡോ മെക്‌സിക്കന്‍ വനാന്തരങ്ങളുടെ സംഭാവനയാണ്. ഉഷ്ണമേഖലാ സാഹചര്യമുള്ള എല്ലാ പ്രദേശങ്ങളിലും സുലഭമായി വളരുന്ന അവൊക്കാഡോ, ക്രിസ്ത്യന്‍ മിഷണറിമാരാണ്…
By Harithakeralam
മത്തന്‍ കുത്തിയാല്‍ കുമ്പളം മുളയ്ക്കില്ലെന്നാണ് പഴം ചൊല്ല്. എന്നാല്‍ മത്തന്‍ തന്നെ മര്യാദയ്ക്ക് വിളയുന്നില്ലെന്നാണ് കര്‍ഷകരുടെ പരാതി. ഇതിന് പ്രധാന കാരണം നമ്മുടെ പരിചരണത്തിലെ പോരായ്മകള്‍ തന്നെയാണ്. ലാക്റ്ററേറ്റ്…
By Harithakeralam
© All rights reserved | Powered by Otwo Designs
Leave a comment