ഈ പഴം കഴിച്ചതിനു ശേഷം അരമണിക്കൂര്‍ മറ്റെന്തു ഭക്ഷണം കഴിച്ചാലും വെള്ളം കുടിച്ചാലുമെല്ലാം മധുരം മാത്രമായിരിക്കും രുചി...! അത്ഭുതം തോന്നുണ്ടോ...? അതാണ് മിറാക്കിള്‍ ഫ്രൂട്ട്.
By Harithakeralam
ഈ പഴം കഴിച്ചതിനു ശേഷം അരമണിക്കൂര്‍ മറ്റെന്തു ഭക്ഷണം കഴിച്ചാലും വെള്ളം കുടിച്ചാലുമെല്ലാം മധുരം മാത്രമായിരിക്കും രുചി...! അത്ഭുതം തോന്നുണ്ടോ...? അതാണ് മിറാക്കിള്‍ ഫ്രൂട്ട്. ആഫ്രിക്കന്‍ സ്വദേശിയായ മിറാക്കിള്‍ ഫ്രൂട്ട് ചെറുശാഖകളോടും ഇലകളോടും കൂടി വളരുന്ന ചെറു സസ്യമാണ്. ഇതില്‍ അടങ്ങിയ 'മിറാക്കുലിന്‍' എന്ന പ്രോട്ടീന്‍ ഘടകം നാവിലെ രസമുകുളങ്ങളെ ഉണര്‍ത്തി പുളി, കയ്പ് രുചികള്‍ക്കു പകരം താത്കാലികമായി മധുരം അനുഭവപ്പെടുത്തും. ഈ അത്ഭുതവിദ്യ കൈവശമുള്ളതു കൊണ്ടാണ് മിറാക്കിള്‍ ഫ്രൂട്ടെന്ന പേരു കൈവന്നത്. ക്യാന്‍സര്‍ രോഗികള്‍ക്ക് കീമോതെറാപ്പിക്കു ശേഷം നാവിന്റെ രുചി നഷ്ടപ്പെട്ടാല്‍ ഭക്ഷണത്തിന്റെ തനതുരുചി ആസ്വദിക്കാന്‍ മിറാക്കിള്‍ ഫ്രൂട്ട് സഹായിക്കും. പ്രമേഹമുള്ളവര്‍ക്കും ഭക്ഷണം നിയന്ത്രിക്കുന്നവര്‍ക്കുമിത് ഏറെ നല്ലതാണിത്.
സപ്പോട്ടയുടെ കുടുംബക്കാരന്‍
സപ്പോട്ടേസിയ സസ്യകുടുംബത്തില്‍പ്പെടുന്ന ഇവ ഒരാള്‍ ഉയരത്തില്‍ വരെ വളരും. സാവധാനം വളരുന്ന ചെടി പുഷ്പിക്കാന്‍ മൂന്നാലു വര്‍ഷമെടുക്കും. വേനല്‍ക്കാലമാണ് പഴക്കാലമെങ്കിലും 'സപ്പോട്ട'യുടെ കുടുംബത്തില്‍പ്പെടുന്ന തിനാല്‍ കേരളത്തിലെ കാലാവസ്ഥയില്‍ പലതവണ കായ് പിടിക്കാന്‍ സാധ്യതയുണ്ട്. ഭാഗികമായ തണല്‍ ഇഷ്ടപ്പെടുന്ന മിറക്കിള്‍ ഫ്രൂട്ട് ചെടിച്ചട്ടികളില്‍ ഇന്‍ഡോര്‍ പ്ലാന്റായും വളര്‍ത്താം. മനോഹരമായ ഇലച്ചാര്‍ത്തോടുകൂടിയുള്ള നിത്യഹരിത ചെടി ഉദ്യാനത്തിലും അലങ്കാര ഭംഗി നല്‍കും.
.png)
ആദ്യം പുളി പിന്നെ മധുരം
ഇല പൊഴിയാത്തതും അഞ്ചര മീറ്റര്‍വരെ ഉയരത്തില്‍ വളരുന്നതുമായ ചെറുമരമാണിത്. അണ്ഡാകാരത്തിലുള്ള ഇലകളുടെ അടിവശത്ത് മെഴുകു പോലെയുണ്ടാകും. ഇലയുടെ അരികുകള്‍ മിനുസമുള്ളതാണ്. ശാഖകളുടെ അറ്റത്തുനിന്നാണ് ഇലകളുണ്ടാകുക. രണ്ടു - മൂന്ന് സെന്റി മീറ്റര്‍ വലുപ്പമുള്ള പൂക്കളുടെ നിറം വെളുപ്പാണ്. ശാഖയുടെ അറ്റത്ത് ചുരുളായി പൂക്കള്‍ ഉണ്ടാകും. പഴത്തിന്റെ നിറം ചുവപ്പാണ്, 0.8 മുതല്‍ 1.2 വരെ ഇഞ്ച് വലുപ്പമുണ്ടാകും. അകത്ത് കാപ്പിക്കുരുവിന് സമാനമായ വിത്തുണ്ടാകും. ആദ്യം പുളിയുണ്ടാകും. പിന്നീട് മധുരമുള്ളതായിത്തീരും.
കമ്പും വിത്തും നടാം
സ്വീറ്റ് ബെറിയെന്ന പേരിലും ഇത് അറിയപ്പെടുന്നു. പഴം പാകമാവുമ്പോള്‍ ചുവന്ന നിറമാണ്. കോഫീബീന്‍ വലുപ്പമുള്ള പഴം വായിലിട്ട് അലിയിച്ചു കഴിച്ചു കഴിഞ്ഞ ശേഷം ചെറുനാരങ്ങാ ഉള്‍പ്പെടെ എത്ര കടുത്ത പുളിരസമുള്ളതോ, കയ്പുള്ളതോ ആയവ കഴിച്ചാലും അര മണിക്കൂര്‍ നേരത്തേക്ക് വായിലെ മധുരം പോവില്ല. പൂക്കള്‍ വെളുത്ത നിറത്തിലും പഴം കടും ചുവപ്പ് നിറത്തിലുമാണ്. ചെടികള്‍ക്ക് മൂന്ന് മുതല്‍ നാലു മീറ്റര്‍ ഉയരമേ ഉണ്ടാവൂ. കീമോ കഴിഞ്ഞവര്‍ക്ക് മാത്രമല്ല ഡയബറ്റിസ് രോഗികള്‍ക്കും ഇതിലുള്ള പ്രോട്ടീന്‍ ഗുണം ചെയ്യുമെന്നു കൂടി കണ്ടെത്തിയിട്ടുണ്ട്. ഒരു പഴത്തില്‍ സാധാരണ ഒരു വിത്ത് മാത്രമേ ഉണ്ടാവാറുള്ളുവെന്നും കമ്പ് നട്ടും വിത്ത് വഴിയും വളര്‍ത്തിയെടുക്കാം.
.jpg){kind=tracking}
ജനുവരി ഫെബ്രുവരി മാസത്തില്‍ നട്ട റെഡ് ലേഡി പപ്പായ തൈകള്‍ നല്ല വളര്‍ച്ച നേടിയിട്ടുണ്ടാകും. നല്ല വെയില്‍ അനുകൂല ഘടകമാണെങ്കിലും നനയും മറ്റു പരിപാലനവും കൃത്യമായി നല്‍കിയിട്ടില്ലെങ്കില്‍ ചെടികള്‍ നശിച്ചു പോകാന്‍…
By Harithakeralam
കേരളത്തിലിപ്പോള്‍ കര്‍ഷകന് നല്ല വില ലഭിക്കുന്ന വിളയാണ് വാഴപ്പഴം. നേന്ത്രന് വില കാലങ്ങളായി 60 ന് മുകളിലാണ്. മറ്റിനം വാഴപ്പഴങ്ങള്‍ക്കും മികച്ച വില ലഭിക്കുന്നു. ഒരു കാലത്ത് വലിയ പരിചരണമൊന്നുമില്ലാതെ നമ്മുടെ…
By Harithakeralam
തമിഴ്‌നാട്ടിലെ കടലൂര്‍ ജില്ലയിലെ ഒരു പട്ടണമാണ് പന്റുട്ടി. ഇന്ത്യയില്‍ ചക്കയുടെ സ്വര്‍ഗം, ചക്കയുടെ തലസ്ഥാനം അഥവാ ജാക്ക് ഫ്രൂട്ട് ക്യാപിറ്റല്‍ ഒഫ് ഇന്ത്യ എന്നാണ് ഈ നാട് അറിയപ്പെടുന്നത്. കാരണം ഇവിടെ മുഴുവന്‍…
By Harithakeralam
ചുവന്ന തുടുത്തിരിക്കുന്ന ചാമ്പക്ക കണ്ടാല്‍ തന്നെ പൊട്ടിച്ച് കഴിക്കാന്‍ തോന്നും. ചാമ്പക്ക ഉപ്പും മുളകുമെല്ലാം കൂട്ടി കഴിച്ചിരുന്ന ബാല്യകാലം മുതിര്‍ന്ന തലമുറയ്ക്കുണ്ടായിരിക്കും. അന്നൊക്കെ ചുവന്നു തുടുത്ത…
By Harithakeralam
R2E2... പേരുകേട്ടാല്‍ വല്ല രാസനാമവുമാണെന്ന് കരുതും. പക്ഷേ, സംഗതിയൊരു മാവിന്റെ പേരാണ്. ഓസ്‌ട്രേലിയന്‍ സ്വദേശിയായ മാമ്പഴമാണിത്. വാണിജ്യമായി കൃഷി ചെയ്യാന്‍ അനുയോജ്യമായ ഈയിനം നമ്മുടെ നാട്ടിലും നല്ല പോലെ വളരും.…
By Harithakeralam
ഏറെ ആശയോടെയാണ് നാം മാവിന്‍ തൈകള്‍ വാങ്ങി വീട്ട്മുറ്റത്ത് നടുക. നാടന്‍ മാവുകള്‍ വളര്‍ന്നു വിളവ് തരാന്‍ വര്‍ഷങ്ങള്‍ വേണ്ടി വരും, എന്നാല്‍ ഒട്ടുമാവുകളില്‍ ചുരുങ്ങിയ കാലം കൊണ്ടു മാങ്ങകളുണ്ടാകും. ഇതിനിടെ പല…
By Harithakeralam
ബട്ടര്‍ഫ്രൂട്ട്' എന്ന അന്വര്‍ത്ഥമായ പേരില്‍ അറിയപ്പെടുന്ന അവൊക്കാഡോ മെക്‌സിക്കന്‍ വനാന്തരങ്ങളുടെ സംഭാവനയാണ്. ഉഷ്ണമേഖലാ സാഹചര്യമുള്ള എല്ലാ പ്രദേശങ്ങളിലും സുലഭമായി വളരുന്ന അവൊക്കാഡോ, ക്രിസ്ത്യന്‍ മിഷണറിമാരാണ്…
By Harithakeralam
മത്തന്‍ കുത്തിയാല്‍ കുമ്പളം മുളയ്ക്കില്ലെന്നാണ് പഴം ചൊല്ല്. എന്നാല്‍ മത്തന്‍ തന്നെ മര്യാദയ്ക്ക് വിളയുന്നില്ലെന്നാണ് കര്‍ഷകരുടെ പരാതി. ഇതിന് പ്രധാന കാരണം നമ്മുടെ പരിചരണത്തിലെ പോരായ്മകള്‍ തന്നെയാണ്. ലാക്റ്ററേറ്റ്…
By Harithakeralam
© All rights reserved | Powered by Otwo Designs
Leave a comment