ദേശീയ മാമ്പഴ ദിനത്തില്‍ ലോകത്തിലെ ഏറ്റവും വലിയ മാമ്പഴ കര്‍ഷകനെ പരിചയപ്പെടാം
By Harithakeralam
ദേശീയ മാമ്പഴ ദിനമാണിന്ന്... ജൂലൈ 22. സമ്പന്നമായൊരു മാമ്പഴ പാരമ്പര്യമുള്ള രാജ്യമാണ് നമ്മുടെ ഭാരതം. വിവിധയിനം മാങ്ങള്‍ നമ്മുടെ രാജ്യത്തിന് സ്വന്തമായിട്ടുണ്ട്. ലോകത്തിലെ ഏറ്റവും വലിയ മാമ്പഴ കര്‍ഷകനും ഇന്ത്യക്കാരന്‍ തന്നെയാണ്, മറ്റാരുമല്ല മുകേഷ് അംബാനി. കൈവച്ച മേഖലകളിലെല്ലാം കോടികള്‍ കൊയ്ത അംബാനി തന്നെയാണ് മാമ്പഴ രാജാവ്.
മാങ്ങ ഉത്പാദിപ്പിക്കുന്നതില്‍ ലോകത്ത് ഒന്നാം സ്ഥാനത്തുള്ള രാജ്യം ഇന്ത്യയാണ്. 40,000 ഹെക്ടര്‍ വിസ്തൃതിയുള്ള കോലാര്‍ ഏറ്റവും കൂടുതല്‍ മാമ്പഴം വളരുന്ന ജില്ലയാണ്. കേരളത്തില്‍ പാലക്കാട് കൊല്ലങ്കോട്ടുള്ള തോട്ടങ്ങളിലാണ് രാജ്യത്ത് ആദ്യമായി മാങ്ങ വിളയുക. ഇവിടെ നിന്നാണ് സീസണില്‍ വിപണിയിലേക്ക് ആദ്യം മാങ്ങയെത്തുക. ഇതിനാല്‍ മലയാളി മാങ്ങയാണ് ഫസ്റ്റ്. കേരളത്തില്‍ പാലക്കാട്ടാണ് വാണിജ്യ രീതിയില്‍ അധികവും മാങ്ങ വളര്‍ത്തുന്നത്. അല്‍ഫോണ്‍സ മുതല്‍ എത്രയോ ഇനം മാങ്ങകള്‍ നമ്മുടെ നാട്ടിലുണ്ട്. നാടിന്റെയും നാട്ടുകാരുടേയും രാജാവിന്റെയും അമ്പലത്തിന്റെയും പേരില്‍ തുടങ്ങി ഓരോ മാങ്ങള്‍ക്കും വലിയ കഥകളും പറയാനുണ്ട്.
.png)
പെട്രോളും ഇന്റര്‍നെറ്റും പോലുള്ള വന്‍കിട ബിസിനസ് ചെയ്യുന്ന ഏഷ്യയിലെ ഏറ്റവും വലിയ ധനികനായ മുകേഷ് അംബാനിയെ നമുക്കെല്ലാമറിയാം. എന്നാല്‍ മാമ്പഴ കര്‍ഷകനായ മുകേഷ് അംബാനിയെ അത്ര പിടിയുണ്ടാകില്ല. ഏഷ്യയിലെ ഏറ്റവും വലിയ മാമ്പഴത്തോട്ടം മുകേഷ് അംബാനിയുടെ പേരിലാണ്. ഏറ്റവും കൂടുതല്‍ മാമ്പഴ കയറ്റുമതിക്കാരനും മുകേഷ് അംബാനി തന്നെ. കൃഷി വലിയ നഷ്ടമായ ഇക്കാലത്ത് ഒന്നും കാണാതെ അംബാനി ഈ വഴിക്ക് വണ്ടിയോടിക്കില്ലല്ലോ... തൊണ്ണൂറുകളുടെ അവസാനത്തില്‍ റിലയന്‍സിന്റെ ജാംനഗര്‍ റിഫൈനറിയില്‍ വന്‍തോതില്‍ മലിനീകരണ പ്രശനം നേരിട്ടിരുന്നു. റിഫൈനറി മൂലമുണ്ടാകുന്ന വന്‍ മലിനീകരണത്തെക്കുറിച്ച് എന്തെങ്കിലും ചെയ്യണമെന്ന് മലിനീകരണ നിയന്ത്രണ ബോര്‍ഡുകളില്‍ നിന്ന് റിലയന്‍സിന് മുന്നറിയിപ്പുകള്‍ ലഭിച്ചുകൊണ്ടേയിരുന്നു. പരിസ്ഥിതിയോട് ഇണങ്ങി പ്രവര്‍ത്തിക്കുന്ന സംവിധാനങ്ങളൊരുക്കാനായി ആലോചന.
റിഫൈനറിയുടെ സമീപത്ത് ഒരു മാമ്പഴത്തോട്ടം സ്ഥാപിക്കാനായി റിലയന്‍സ് തീരുമാനം. റിഫൈനറിക്ക് സമീപത്തെ തരിശുനിലങ്ങള്‍ ഏറ്റെടുത്ത് റിലയന്‍സ് 600 ഏക്കറില്‍, 200 ഇനത്തില്‍പ്പെട്ട ഒരു ലക്ഷത്തിലധികം മാമ്പഴ തൈകള്‍ വെച്ചുപിടിപ്പിച്ചു. മുകേഷ് അംബാനിയുടെ പിതാവും റിലയന്‍സ് ഇന്‍ഡസ്ട്രീസ് സ്ഥാപകനുമായ ധീരുഭായ് അംബാനിയുടെ പേരിലാണ് ഈ തോട്ടമുള്ളത്. ധീരുഭായ് അംബാനി ലഖിബാഗ് അമ്രായീ എന്നാണ് മാമ്പഴ തോട്ടത്തിന്റെ പേര്. മുഗള്‍ ചക്രവര്‍ത്തി അക്ബര്‍ സൃഷ്ടിച്ച മാമ്പഴത്തോട്ടത്തില്‍ നിന്ന് പ്രചോദനം ഉള്‍ക്കൊണ്ടാണ് ലഖിബാഗ് അമ്രായീ എന്ന പേരുകൂടി മുകേഷ് അംബാനി ചേര്‍ത്തത്. കേസര്‍, അല്‍ഫോന്‍സോ, രത്ന, സിന്ധു, നീലം, അമ്രപാലി തുടങ്ങിയ ഇന്ത്യന്‍ ഇനങ്ങളല്ലാതെ യുഎസിലെ ഫ്‌ലോറിഡയില്‍ നിന്നുള്ള ടോമി അറ്റ്കിന്‍സ്, കെന്റ്, ഇസ്രായേലില്‍ നിന്നുള്ള ലില്ലി, കീറ്റ്, മായ എന്നിവയും ഈ തോട്ടത്തിലുണ്ട്. ധീരുഭായ് അംബാനി ലഖിബാഗ് അമ്രയി പ്രതിവര്‍ഷം 127 ഇനം മാമ്പഴങ്ങള്‍ ഉത്പാദിപ്പിക്കുന്നുണ്ട്. ഈ മാമ്പഴങ്ങളും കയറ്റുമതി ചെയ്യുകയാണ് ചെയ്യുന്നത്. മാമ്പഴം വിറ്റിട്ടെങ്കിലും അംബാനി ജീവിക്കുമെന്ന് ഉറപ്പാണ്.
ഇന്ത്യയുടെ മാമ്പഴപ്പെരുമയ്ക്ക് കാലാവസ്ഥ വ്യതിയാനം വലിയ വെല്ലുവിളി സൃഷ്ടിക്കുന്നുണ്ട്. ഈ സീസണില്‍ ചൂട് കൂടിയത് കര്‍ഷകര്‍ക്ക് വലിയ നഷ്ടം വരുത്തിവച്ചു. സുലഭമായി മാര്‍ക്കറ്റില്‍ വിവിധ തരം മാങ്ങകള്‍ ലഭിക്കുന്ന സമയത്ത് ഉത്പാദനക്കുറവ് പ്രകടമായിരുന്നു.
.jpg){kind=tracking}
ജനുവരി ഫെബ്രുവരി മാസത്തില്‍ നട്ട റെഡ് ലേഡി പപ്പായ തൈകള്‍ നല്ല വളര്‍ച്ച നേടിയിട്ടുണ്ടാകും. നല്ല വെയില്‍ അനുകൂല ഘടകമാണെങ്കിലും നനയും മറ്റു പരിപാലനവും കൃത്യമായി നല്‍കിയിട്ടില്ലെങ്കില്‍ ചെടികള്‍ നശിച്ചു പോകാന്‍…
By Harithakeralam
കേരളത്തിലിപ്പോള്‍ കര്‍ഷകന് നല്ല വില ലഭിക്കുന്ന വിളയാണ് വാഴപ്പഴം. നേന്ത്രന് വില കാലങ്ങളായി 60 ന് മുകളിലാണ്. മറ്റിനം വാഴപ്പഴങ്ങള്‍ക്കും മികച്ച വില ലഭിക്കുന്നു. ഒരു കാലത്ത് വലിയ പരിചരണമൊന്നുമില്ലാതെ നമ്മുടെ…
By Harithakeralam
തമിഴ്‌നാട്ടിലെ കടലൂര്‍ ജില്ലയിലെ ഒരു പട്ടണമാണ് പന്റുട്ടി. ഇന്ത്യയില്‍ ചക്കയുടെ സ്വര്‍ഗം, ചക്കയുടെ തലസ്ഥാനം അഥവാ ജാക്ക് ഫ്രൂട്ട് ക്യാപിറ്റല്‍ ഒഫ് ഇന്ത്യ എന്നാണ് ഈ നാട് അറിയപ്പെടുന്നത്. കാരണം ഇവിടെ മുഴുവന്‍…
By Harithakeralam
ചുവന്ന തുടുത്തിരിക്കുന്ന ചാമ്പക്ക കണ്ടാല്‍ തന്നെ പൊട്ടിച്ച് കഴിക്കാന്‍ തോന്നും. ചാമ്പക്ക ഉപ്പും മുളകുമെല്ലാം കൂട്ടി കഴിച്ചിരുന്ന ബാല്യകാലം മുതിര്‍ന്ന തലമുറയ്ക്കുണ്ടായിരിക്കും. അന്നൊക്കെ ചുവന്നു തുടുത്ത…
By Harithakeralam
R2E2... പേരുകേട്ടാല്‍ വല്ല രാസനാമവുമാണെന്ന് കരുതും. പക്ഷേ, സംഗതിയൊരു മാവിന്റെ പേരാണ്. ഓസ്‌ട്രേലിയന്‍ സ്വദേശിയായ മാമ്പഴമാണിത്. വാണിജ്യമായി കൃഷി ചെയ്യാന്‍ അനുയോജ്യമായ ഈയിനം നമ്മുടെ നാട്ടിലും നല്ല പോലെ വളരും.…
By Harithakeralam
ഏറെ ആശയോടെയാണ് നാം മാവിന്‍ തൈകള്‍ വാങ്ങി വീട്ട്മുറ്റത്ത് നടുക. നാടന്‍ മാവുകള്‍ വളര്‍ന്നു വിളവ് തരാന്‍ വര്‍ഷങ്ങള്‍ വേണ്ടി വരും, എന്നാല്‍ ഒട്ടുമാവുകളില്‍ ചുരുങ്ങിയ കാലം കൊണ്ടു മാങ്ങകളുണ്ടാകും. ഇതിനിടെ പല…
By Harithakeralam
ബട്ടര്‍ഫ്രൂട്ട്' എന്ന അന്വര്‍ത്ഥമായ പേരില്‍ അറിയപ്പെടുന്ന അവൊക്കാഡോ മെക്‌സിക്കന്‍ വനാന്തരങ്ങളുടെ സംഭാവനയാണ്. ഉഷ്ണമേഖലാ സാഹചര്യമുള്ള എല്ലാ പ്രദേശങ്ങളിലും സുലഭമായി വളരുന്ന അവൊക്കാഡോ, ക്രിസ്ത്യന്‍ മിഷണറിമാരാണ്…
By Harithakeralam
മത്തന്‍ കുത്തിയാല്‍ കുമ്പളം മുളയ്ക്കില്ലെന്നാണ് പഴം ചൊല്ല്. എന്നാല്‍ മത്തന്‍ തന്നെ മര്യാദയ്ക്ക് വിളയുന്നില്ലെന്നാണ് കര്‍ഷകരുടെ പരാതി. ഇതിന് പ്രധാന കാരണം നമ്മുടെ പരിചരണത്തിലെ പോരായ്മകള്‍ തന്നെയാണ്. ലാക്റ്ററേറ്റ്…
By Harithakeralam
© All rights reserved | Powered by Otwo Designs
Leave a comment