ജലസേചനത്തിന് സൗകര്യമുണ്ടെങ്കില്‍ മാത്രമേ പച്ചക്കറിക്കൃഷി തുടങ്ങാന്‍ പാടുള്ളൂ.
By Harithakeralam
നല്ല വെയിലാണിപ്പോള്‍ കേരളത്തിലെങ്ങും. കടുത്ത വേനല്‍ തുടങ്ങി എന്നുതന്നെ പറയാം. ഈ സമയത്ത് പച്ചക്കറിക്കൃഷിയിലും മറ്റും നല്ല ശ്രദ്ധ കൊടുക്കേണ്ടത് അത്യാവശ്യമാണ്. ഇല്ലെങ്കില്‍ തോട്ടം മുഴുവനായി തന്നെ നശിച്ചു പോകാന്‍ കാരണമാകും. വെയില്‍ ശക്തമാകുന്ന ഈ സമയത്ത് ശ്രദ്ധിക്കേണ്ട ചില കാര്യങ്ങള്‍.
1. ജലസേചനത്തിന് സൗകര്യമുണ്ടെങ്കില്‍ മാത്രമേ പച്ചക്കറിക്കൃഷി തുടങ്ങാന്‍ പാടുള്ളൂ. സ്ഥിരമായി നന ആവശ്യമുള്ളവയാണ് പച്ചക്കറികള്‍. ജല സേചനത്തിനുളള സൗകര്യമില്ലെങ്കില്‍ വേണ്ടത്ര വിളവ് ലഭിക്കില്ല.
2. മുളക്, തക്കാളി, വഴുതന എന്നിവയില്‍ സാധാരണ കാണുന്ന വാട്ടരോഗത്തിന്റെ സാദ്ധ്യത കുറയ്ക്കാന്‍ നിലമൊരുക്കുന്ന സമയത്ത് കുമ്മായം ചേര്‍ക്കുന്നത് നല്ലതാണ്.
.png)
3. ജലം അമിതമായി പ്രയോഗിക്കരുത്. മണ്ണിന്റെ നീര്‍വാര്‍ച്ച ഉറപ്പുവരുത്തണം.
4. നീരൂറ്റി കുടിക്കുന്ന വെള്ളീച്ചകള്‍, ശല്‍ക്കകീടങ്ങള്‍, മീലിമൂട്ടകള്‍ എന്നിവയുടെ ആക്രമണം ഇക്കാലത്ത് രൂക്ഷമായിരിക്കും. ഇവയ്‌ക്കെതിരേ വെര്‍ട്ടിസീലിയം എന്ന ജീവാണു കള്‍ച്ചര്‍പൊടി 20 ഗ്രാം ഒരു ലിറ്റര്‍ വെള്ളത്തില്‍ കലര്‍ത്തി പ്രയോഗിക്കുക.
5. പച്ചക്കറിച്ചെടികള്‍ നല്ല പോലെ വളര്‍ന്നുവന്നാല്‍ കായ്തുരപ്പന്‍ പുഴു, തണ്ടുതുരപ്പന്‍പുഴു എന്നിവയും ആക്രമിക്കാനെത്തും. ഇതിനെതിരേ ബ്യൂവേറിയ എന്ന ജീവാണു കള്‍ച്ചര്‍പൊടിയും 20 ഗ്രാം ഒരുലിറ്റര്‍ വെള്ളത്തിലെന്ന തോതില്‍ ലയിപ്പിച്ചു തളിക്കുക.
6. ചിതല്‍, ഉറുമ്പുകള്‍, വേരുതീനിപ്പുഴുക്കള്‍, ചാണകപ്പുഴുക്കള്‍ എന്നിവയും ഈ കാലാവസ്ഥയില്‍ ശല്യക്കാരായെത്തും. മെറ്റാറൈസിയം 20 ഗ്രാം ഒരു ലിറ്റര്‍ വെളളത്തില്‍ കലക്കി മണ്ണിലും കമ്പോസ്റ്റ് കുഴികളിലും ഒഴിച്ചു കൊടുക്കാം.
7. ജലസേചന സൗകര്യമുളള തെങ്ങിന്‍ തോട്ടങ്ങളില്‍ മൂന്നാം ഗഡുവളപ്രയോഗം നടത്താം. ജലസേചന ചാലുകള്‍ വൃത്തിയാക്കി തടമെടുത്ത് ഉണങ്ങിയ ഓല കൊണ്ടു പുതയിടുന്നതും നല്ലതാണ്.
8. തേങ്ങയില്‍ വിളളലുണ്ടാവുക, വെളളക്ക കൊഴിയുക തുടങ്ങിയ ലക്ഷണങ്ങള്‍ മണ്ണിലെ ബോറോണ്‍ എന്ന സൂക്ഷ്മ മൂലകത്തിന്റെ കുറവാണ് സൂചിപ്പിക്കുന്നത്. ഇതു പരിഹരിക്കാന്‍ നനച്ച ശേഷം തടത്തില്‍ 50 ഗ്രാം ബോറാക്‌സ് ചേര്‍ത്തു കൊടുക്കാം.
.jpg){kind=tracking}
ധാരാളം ജൈവമാലിന്യങ്ങളാണ് നാം അടുക്കളയില്‍ നിന്നൊരു ദിവസം പുറം തള്ളുന്നത്. നഗരങ്ങളിലും മറ്റും താമസിക്കുന്നവര്‍ക്ക് ഇവയുടെ നിര്‍മാജനം വലിയൊരു തലവേദനയാണ്. മുട്ടത്തോട്,പച്ചക്കറികളുടെ തൊലി, ഉരുളക്കിഴങ്ങ് ,…
By Harithakeralam
തക്കാളി കൃഷിയുടെ കാര്യത്തില്‍ നമ്മള്‍ കേരളീയര്‍ വളരെ പുറകിലാണ്. നമ്മുടെ കാലാവസ്ഥയും മണ്ണിലെ കൂടിയ അസിഡിറ്റിയുമാണ് പ്രധാന കാരണം. ഗ്രോബാഗില്‍ കുറച്ച് തക്കാളിച്ചെടികള്‍ വളര്‍ത്തുകയാണെങ്കില്‍ വീട്ടാവശ്യത്തിനുള്ളവ…
By Harithakeralam
വേനലില്‍ കൃഷിത്തോട്ടം വാടാതിരിക്കാന്‍ നല്ല ശ്രദ്ധ കൊടുക്കണം. കറിവേപ്പ് നന്നായി വളരാനും പച്ചമുളകിലെ കായ് പൊഴിച്ചില്‍ ഒഴിവാക്കാനും തുടങ്ങി കര്‍ഷകര്‍ക്ക് സഹായകമാകുന്ന ചില നാട്ടറിവുകള്‍.
By Harithakeralam
വേനല്‍ മഴ നല്ല പോലെ ലഭിച്ചതോടെ പച്ചക്കറി ചെടികളെല്ലാം നല്ല പോലെ വളര്‍ന്നു ധാരാളം ഇലകളെല്ലാമുണ്ടായി നില്‍ക്കുകയായിരിക്കും. ഇലകളാണ് എല്ലാ ചെടികളുടെയും പ്രധാന ഭാഗം. നിരവധി കീടങ്ങളും രോഗങ്ങളും ഇലകളെ…
By Harithakeralam
കരിയില ധാരാളം ലഭിക്കുന്ന സമയമാണിപ്പോള്‍. കരിയില കത്തിക്കാതെ ചെടികളുടെ തടത്തിലിട്ടു കൊടുക്കാം. മണ്ണിന്റെ ഊഷ്മാവ് ക്രമീകരിക്കാനിതു സഹായിക്കും. കത്തുന്ന വേനലിലും തണുപ്പും ചൂടും മണ്ണിനും വിളകള്‍ക്കും ഇതിലൂടെ…
By Harithakeralam
വെയിലും മഴയും മഞ്ഞുമൊന്നും പ്രശ്‌നമാക്കാതെ നല്ല വിളവ് തരുന്ന പച്ചക്കറിയാണ് വെണ്ട. പൊള്ളുന്ന വെയിലത്തും കോരിച്ചൊരിയുന്ന മഴക്കാലത്തും വെണ്ട ഒരു പോലെ വിളവ് തരും. ഉത്സവ സീസണുകളില്‍ വെണ്ടയ്ക്ക് നല്ല വിലയും…
By Harithakeralam
മുട്ടത്തോടും ചായച്ചണ്ടിയും ആവശ്യം കഴിഞ്ഞാല്‍ പഴാക്കി കളയാറാണ് പതിവ്. എന്നാലിവ കൊണ്ട് ചെടികള്‍ക്ക് നല്ലൊരു വളര്‍ച്ചാ ഹോര്‍മോണ്‍ തയാറാക്കാം. പൂന്തോട്ടത്തിലെയും പച്ചക്കറി ചെടികളും നന്നായി പൂക്കാന്‍ ഇതു വളരെ…
By Harithakeralam
വേനല്‍ക്കാലത്ത് ടെറസില്‍ പച്ചക്കറി നല്ല വിളവ് തരും. നല്ല വെയിലത്ത് പരിചരണം നന്നായി നല്‍കിയാല്‍ മികച്ച വിളവ് ടെറസ് കൃഷിയില്‍ നിന്നും സ്വന്തമാക്കാം. സ്വാഭാവികമായ മണ്ണിലല്ലാതെ ഗ്രോബാഗിലും ചട്ടിയിലുമെല്ലാം…
By Harithakeralam
© All rights reserved | Powered by Otwo Designs
Leave a comment