ജൈവകൃഷി സാക്ഷ്യപത്രം, റെയ്ന്‍ ഫോറസ്റ്റ് അലയന്‍സ് സാക്ഷ്യപത്രം എന്നിവ ലഭിച്ച അതിരപ്പിള്ളി ട്രൈബല്‍ വാലി കാര്‍ഷിക പദ്ധതി രാജ്യത്തിനാകെ മാതൃകയാണെന്ന് മന്ത്രി പി.പ്രസാദ്.
By Harithakeralam
ചാലക്കുടി : ജൈവകൃഷി സാക്ഷ്യപത്രം, റെയ്ന്‍ ഫോറസ്റ്റ് അലയന്‍സ് സാക്ഷ്യപത്രം എന്നിവ ലഭിച്ച അതിരപ്പിള്ളി ട്രൈബല്‍ വാലി കാര്‍ഷിക പദ്ധതി രാജ്യത്തിനാകെ മാതൃകയാണെന്ന് മന്ത്രി പി.പ്രസാദ്. പദ്ധതിയുടെ ഭാഗമായി ആദിവാസി കര്‍ഷകര്‍ ഉല്പാദിപ്പിക്കുന്ന കാര്‍ഷിക ഉത്പന്നങ്ങളും വനവിഭവങ്ങളും സംസ്‌കരിക്കുന്നതിനും മൂല്യവര്‍ദ്ധനവ് നടത്തുന്നതിനുമായുള്ള സെന്‍ട്രല്‍ പ്രോസസിംഗ് യൂണിറ്റിന്റെ ഉദ്ഘാടനം നിര്‍വഹിക്കുകയായിരുന്നു മന്ത്രി.
സര്‍ക്കാര്‍ പൊതുമേഖലാ രംഗത്ത് ഇത്തരം സാക്ഷ്യപത്രം ലഭിക്കുന്ന തെക്കേ ഇന്ത്യയിലെ ആദ്യ പദ്ധതിയാണ് അതിരപ്പിള്ളി ട്രൈബല്‍ വാലി കാര്‍ഷിക പദ്ധതി. പദ്ധതിയുടെ നിര്‍വഹണം അടുത്ത 2 വര്‍ഷത്തേക്ക് നീട്ടുകയും 2 കോടി 64 ലക്ഷം രൂപ ഇതിനായി ചെലവഴിക്കാന്‍ കഴിയുകയും ചെയ്യും. കേരളാഗ്രോ എന്ന ബ്രാന്‍ഡില്‍ അതിരപ്പിള്ളി ഉല്‍പ്പന്നങ്ങളും വിപണിയിലെത്തിക്കുകയും കാര്‍ഷിക ഉല്‍പന്നങ്ങളുടെ സംഭരണം വര്‍ദ്ധിപ്പിക്കുവാന്‍ ആവശ്യമായ ഇടപെടലുകള്‍ നടത്തുകയും ചെയ്യും. കേരള അഗ്രി ബിസിനസ്സ് കമ്പനി (കാബ്‌കോ) യാഥാര്‍ഥ്യമാകുന്നതോടുകൂടി പദ്ധതിയുടെ നടത്തിപ്പുമായി ബന്ധപ്പെട്ട് നേരിടുന്ന സാമ്പത്തിക പ്രയാസങ്ങള്‍ക്ക് പരിഹാരമാകുമെന്നും മന്ത്രി പറഞ്ഞു. വന്യമൃഗശല്യം കാരണം കൃഷിനാശം സംഭവിച്ച അതിരപ്പിള്ളിയിലെ കര്‍ഷകര്‍ക്ക്, അതിനായി സംസ്ഥാന സര്‍ക്കാര്‍ നീക്കിവച്ചിരിക്കുന്ന 10 കോടി രൂപയില്‍ നിന്നും സഹായം ലഭ്യമാക്കുമെന്നും മന്ത്രി കൂട്ടിച്ചേര്‍ത്തു. ചാലക്കുടി എംഎല്‍എ സനീഷ് കുമാര്‍ ജോസഫ് അധ്യക്ഷത വഹിച്ചു.
.png)
കാര്‍ഷിക ഉത്പാദക കമ്മീഷണറും പ്രിന്‍സിപ്പല്‍ സെക്രട്ടറിയുമായ ഡോ ബി അശോക് പദ്ധതി വിശദീകരണം നടത്തി. ജില്ലാ പഞ്ചായത്ത് പ്രസിഡന്റ് പി.കെ ഡേവിസ് , കെ.എല്‍.ഡി.സി ചെയര്‍മാന്‍ പി വി സത്യനേശന്‍ എന്നിവര്‍ വിശിഷ്ട അതിഥികളായിരുന്നു. കൃഷി അഡീഷണല്‍ ഡയറക്ടര്‍ പ്ലാനിംഗ് ജോര്‍ജ് സെബാസ്റ്റ്യന്‍, പ്രിന്‍സിപ്പല്‍ കൃഷി ഓഫീസര്‍ മീന മാത്യു, കെഎല്‍ഡിസി മാനേജിംഗ് ഡയറക്ടര്‍ രാജീവ് പി എസ്, ചാലക്കുടി ബ്ലോക്ക് പഞ്ചായത്ത് പ്രസിഡന്റ് വേണു കണ്ഠരുമഠത്തില്‍, അതിരപ്പിള്ളി ഗ്രാമപഞ്ചായത്ത് പ്രസിഡന്റ് ആതിര ദേവരാജന്‍, വൈസ് പ്രസിഡന്റ് സൗമിനി മണിലാല്‍, അതിരപ്പിള്ളി ട്രൈബല്‍വാലി കാര്‍ഷിക പദ്ധതി നോഡല്‍ ഓഫീസര്‍ സാലുമോന്‍, കൃഷി ഡെപ്യൂട്ടി ഡയറക്ടര്‍ സൂസമ്മ ജോര്‍ജ്, വാഴച്ചാല്‍ ഡി എഫ് ഓ ലക്ഷ്മി ജില്ലാ പഞ്ചായത്തംഗം ജനീഷ് പി ജോസഫ്, ബ്ലോക്ക് പഞ്ചായത്ത് അംഗം ഷാന്റി ജോസഫ്, സ്റ്റാന്‍ഡിങ് കമ്മിറ്റി ചെയര്‍മാന്‍മാരായ റിജേഷ് കെ കെ, അഷിത രമേശ്, സരസ്വതി വിജയാനന്ദന്‍, വിവിധ ഊരുകളിലെ മൂപ്പന്മാര്‍ തുടങ്ങിയവര്‍ പങ്കെടുത്തു.
അതിരപ്പിള്ളി ഗ്രാമപഞ്ചായത്തിലെ ആദിവാസി വിഭാഗത്തില്‍പ്പെടുന്ന ജനവിഭാഗത്തിന്റെ ജീവിത നിലവാരം മെച്ചപ്പെടുത്തുന്നതിനും സമഗ്ര വികസനം ലക്ഷ്യമാക്കിയും കൃഷിവകുപ്പ് നടപ്പിലാക്കുന്ന പദ്ധതിയാണ് അതിരപ്പിള്ളി ട്രൈബല്‍വാലി കാര്‍ഷിക പദ്ധതി. അവര്‍ ഉത്പാദിപ്പിക്കുന്ന കാര്‍ഷിക ഉല്‍പ്പന്നങ്ങളും സംഭരിക്കുന്ന വനവിഭവങ്ങളും ശേഖരിച്ച് മൂല്യവര്‍ദ്ധനവ് നടത്തി അതിരപ്പിള്ളി എന്ന ബ്രാന്‍ഡില്‍ വിപണിയിലെത്തിക്കുന്നതിനായി നടപ്പിലാക്കിയ പദ്ധതിയാണിത്. റീബില്‍ഡ് കേരള ഇനിഷ്യേറ്റീവ്, പരമ്പരാഗത കൃഷി വികാസ് യോജന, യുഎന്‍ഡിപി എന്നിവയുടെ സാമ്പത്തിക സഹായത്തോടെയാണ് ഈ പദ്ധതി നടപ്പിലാക്കുന്നത്. 7 കോടി 91 ലക്ഷം രൂപയാണ് പദ്ധതിക്കായി വകയിരുത്തിയിരിക്കുന്നത്.
.jpg){kind=tracking}
കോഴിക്കോട്: മലബാര്‍ മില്‍മയുടെ അന്താരാഷ്ട്ര സഹകരണ വര്‍ഷാചരണത്തിന്റെയും 2025 വാര്‍ഷിക പദ്ധതിയുടേയും ഉദ്ഘാടനം കോഴിക്കോട് കാലിക്കറ്റ് ടവറില്‍ നടന്ന ചടങ്ങില്‍ ക്ഷീര വികസന വകുപ്പുമന്ത്രി…
By Harithakeralam
കൊച്ചി: സ്‌പൈസസ് ബോര്‍ഡ്, അഗ്രിക്കള്‍ച്ചറല്‍ ആന്റ് ഫുഡ് പ്രൊഡക്ട് എക്‌സ്‌പോര്‍ട് ഡെവലപ്‌മെന്റ് അതോറിറ്റിയുമായി (APEDA) സഹകരിച്ച് ജൈവ ഉല്‍പ്പാദനത്തിനുള്ള ദേശീയ പരിപാടിയെക്കുറിച്ച് (National Programme…
By Harithakeralam
കേരളത്തിലെ എല്ലാ ജില്ലകളിലും ഘട്ടം ഘട്ടമായി വിഎഫ്പിസികെ അഗ്രോ ഹൈപ്പര്‍ മാര്‍ക്കറ്റുകള്‍ ആരംഭിക്കുമെന്ന് കൃഷിമന്ത്രി പി പ്രസാദ്. നിയോജക മണ്ഡലം അടിസ്ഥാനത്തിലും ബ്ലോക്ക് അടി സ്ഥാനത്തിലും തദ്ദേശസ്വയംഭരണ…
By Harithakeralam
കൃഷി വകുപ്പിന് കീഴില്‍ പ്രവര്‍ത്തിക്കുന്ന അതിരപ്പിള്ളി െ്രെടബല്‍ വാലി കര്‍ഷക ഉത്പാദക കമ്പനിയില്‍ ഉല്പാദിപ്പിക്കുന്ന കാപ്പിയും കുരുമുളകും കയറ്റുമതി ചെയ്യാന്‍ ധാരണാ പത്രം ഒപ്പു വച്ചതായി കൃഷി മന്ത്രി പി.…
By Harithakeralam
തിരുവനന്തപുരം: കുളങ്ങള്‍ നമ്മുടെ ആവാസവ്യവസ്ഥയ്ക്ക് അനിവാര്യമായ ഘടകങ്ങളാണെന്നും അവയുടെ സംരക്ഷണം ഓരോ പ്രദേശത്തിന്റെയും ആവശ്യകതയാണെന്നും കൃഷി മന്ത്രി പി. പ്രസാദ്. കാലങ്ങളായി മലിനമാക്കപ്പെട്ടിരുന്ന പേരൂര്‍…
By Harithakeralam
തിരുവനന്തപുരം: കാര്‍ഷിക മേഖലയുടെ സമഗ്ര വികസനം ലക്ഷ്യം വെച്ച് കൃഷി വകുപ്പ് നടപ്പിലാക്കുന്ന കൃഷി സമൃദ്ധി പദ്ധതി, കാര്‍ബണ്‍ ബഹിര്‍മനം കുറിക്കുന്നത് ലക്ഷ്യം വെച്ച് നടപ്പിലാക്കുന്ന ഫ്രൂട്ട് സിറ്റി പദ്ധതി…
By Harithakeralam
തിരുവനന്തപുരം: ആലപ്പുഴ നഗരസഭയിലെ കരളകം പാടശേഖരത്തില്‍ വിവിധ കാരണങ്ങളാല്‍ മുടങ്ങിക്കിടക്കുന്ന നെല്‍കൃഷി പുനരാരംഭിക്കുന്നതിന് അടിസ്ഥാന സൗകര്യ വികസന പ്രവര്‍ത്തനങ്ങള്‍ ഉള്‍പ്പെടെ രണ്ടുകോടിയുടെ സമഗ്ര വികസന…
By Harithakeralam
കേരളത്തിലെ അഗ്രിബിസിനസ് സംരംഭങ്ങളെ പ്രോത്സാഹിപ്പിക്കാനും കാര്‍ഷിക മേഖലയെ പിന്തുണയ്ക്കാനുമുള്ള സംസ്ഥാനതല സംരംഭമെന്ന നിലയില്‍ 10000 എഫ്.പി.ഒ മേള കോഴിക്കോട് ജില്ലയിലെ കാലിക്കറ്റ് ട്രേഡ്…
By Harithakeralam
© All rights reserved | Powered by Otwo Designs
Leave a comment