കേരളത്തിലെ ഉദരരോഗ സംബന്ധിയായ അര്‍ബുദത്തിന്റെ എണ്ണം കൂടി വരുന്നുണ്ടെന്നും, മലയാളികളുടെ മാറിയ ഭക്ഷണ രീതികള്‍ ഇതിന് കാരണമാകുന്നുവെന്നും വിദഗ്ധ ഡോക്റ്റര്‍മാര്‍
By Harithakeralam
തിരുവനന്തപുരം: കേരളത്തിലെ ഉദരരോഗ സംബന്ധിയായ അര്‍ബുദത്തിന്റെ എണ്ണം കൂടി വരുന്നുണ്ടെന്നും, മലയാളികളുടെ മാറിയ ഭക്ഷണ രീതികള്‍ ഇതിന് കാരണമാകുന്നുവെന്നും വിദഗ്ധ ഡോക്റ്റര്‍മാര്‍ അഭിപ്രായപ്പെട്ടു. ഈഞ്ചക്കല്‍ എസ്പി മെഡിഫോര്‍ട്ട് ആശുപത്രിയിലെ അത്യാധുനിക സെന്റര്‍ ഫോര്‍ ഗ്യാസ്‌ട്രോ സയന്‍സിന്റെ ഉദ്ഘാടനത്തോടനുബന്ധിച്ച് സംഘടിപ്പിച്ച തുടര്‍ മെഡിക്കല്‍ വിദ്യാഭ്യാസ (സിഎംഇ) പരിപാടിയായ 'ജിഐ അപ്‌ഡേറ്റുകള്‍' എന്ന വിഷയങ്ങളില്‍ സംസാരിക്കുകയായിരുന്നു വിദഗ്ധ ഡോക്റ്റര്‍മാര്‍. അമിതമായ മദ്യപാനവും പുകവലിയും കൂടുന്നത് സ്ഥിതി കൂടുതല്‍ വഷളാക്കുന്നതായും അവര്‍ ആശങ്കകള്‍ പങ്ക് വെച്ചു.
എസ് പി മെഡിഫോര്‍ട്ട് ഹോസ്പിറ്റലില്‍ ആധുനിക സൗകര്യങ്ങളോടുകൂടി നിര്‍മിച്ച പുതിയ ഗാസ്‌ട്രോഎന്‍ട്രോളജി വിഭാഗത്തിന്റെ ഉദ്ഘാടനം പ്രമുഖ ഗ്യാസ്‌ട്രോഎന്‍ട്രോളജിസ്റ്റായ പത്മശ്രീ ഡോ. ഫിലിപ്പ് അഗസ്റ്റിന്‍ നിര്‍വഹിച്ചു. വര്‍ധിച്ചു വരുന്ന ഉദരരോഗങ്ങളെ ചെറുക്കുന്നതിന് കേരളീയര്‍ ആരോഗ്യകരമായ ജീവിതശൈലികളും ശ്രദ്ധാപൂര്‍വ്വമായ ഭക്ഷണശീലങ്ങളും സ്വീകരിക്കേണമെന്ന് പത്മശ്രീ ഡോ. ഫിലിപ്പ് അഗസ്റ്റിന്‍ പറഞ്ഞു. പുതുതായി ആരംഭിച്ച സെന്റര്‍ ഫോര്‍ ഗ്യാസ്‌ട്രോ സയന്‍സസില്‍, എന്‍ഡോസ്‌കോപ്പിക് സബ്മ്യൂക്കോസല്‍ റീസെക്ഷന്‍ (ഇഎസ്ആര്‍), എന്‍ഡോസ്‌കോപ്പിക് മ്യൂക്കോസല്‍ ഡിസെക്ഷന്‍ (ഇഎംഡി) എന്നിവയുള്‍പ്പെടെയുള്ള നൂതന സാങ്കേതികവിദ്യകള്‍ സജ്ജീകരിച്ചിരിച്ചിട്ടുണ്ട്. പരമ്പരാഗത ശസ്ത്രക്രിയയുടെ ആവശ്യമില്ലാതെ തന്നെ അര്‍ബുദ രോഗത്തെ ചികില്‍സിക്കാന്‍ കഴിയുന്ന അത്യാധുനിക സംവിധാനങ്ങളാണ് സെന്ററിന്റെ പ്രത്യേകത.
.png)
ഫാറ്റി ലിവര്‍ രോഗം, ഗ്യാസ്‌ട്രോഇന്റസ്‌റ്റൈനല്‍ ക്യാന്‍സറുകളുടെ പ്രാരംഭ കണ്ടെത്തലും ചികിത്സയും, നൂതന എന്‍ഡോസ്‌കോപ്പിക് നടപടിക്രമങ്ങള്‍, ഗ്യാസ്‌ട്രോ എന്‍ട്രോളജിയില്‍ കൃത്രിമബുദ്ധിയുടെ വര്‍ദ്ധിച്ചുവരുന്ന പങ്ക് തുടങ്ങിയ വിഷയങ്ങള്‍ സെമിനാറില്‍ അവതരിപ്പിച്ചു. ഡോ. ഫിലിപ്പ് ഉമ്മന്‍, ഡോ. വിജയ് നാരായണന്‍, ഡോ. പ്രശാന്ത്, ഡോ. ജയകുമാര്‍ ഡി, ഡോ. തരുണ്‍ ടോം ഉമ്മന്‍, ഡോ. ചന്ദ്രമോഹന്‍ കെ, ഡോ. ശ്രീജയ എസ്, ഡോ. ഹരിഗോവിന്ദ്, ഡോ. റോബി ദാസ്, ഡോ. ജിജോ വര്‍ഗീസ്, ഡോ. റിസ്വാന് അഹമ്മദ്, ഡോ. കെ സുജേഷ് അഹമ്മദ്, ഡോ. റിസ്വാന് അഹമ്മദ്, ഡോ. ഡോ.അനൂപ്, ഡോ. നിബിന്‍ നഹാസ്, ഡോ. രാജേഷ് എസ്, ഡോ. ബോബന്‍ തോമസ്, ഡോ. ജിനീഷ്, ഡോ. അജയ് ശശിധരന്‍, ഡോ. നടാഷ കൃഷ്ണ, ഡോ. അഖില്‍ ബേബി, ഡോ. അജിത് തരകന്‍ എന്നിവര്‍ സെമിനാറില്‍ വിവിധ പേപ്പറുകള്‍ അവതരിപ്പിച്ചു. ഉദരരോഗങ്ങള്‍ വര്‍ധിച്ചു വരുന്ന സാഹചര്യത്തില്‍ എല്ലാവര്‍ക്കും പ്രാപ്യമായ ചികിത്സ സൗകര്യം ഒരുക്കുന്നതില്‍ എസ് പി മെഡിഫോര്‍ട്ട് പ്രതിജ്ഞാബദ്ധമാണെന്ന് ചെയര്‍മാനും മാനേജിംഗ് ഡയറക്ടറുമായ എസ്പി അശോകനും ജോയിന്റ് ചെയര്‍മാനും മാനേജിംഗ് ഡയറക്ടറുമായ എസ്പി സുബ്രഹ്മണ്യനും പറഞ്ഞു.
.jpg){kind=tracking}
ദിവസവും ചിക്കന്‍ കഴിക്കുന്നവരുടെ എണ്ണമിപ്പോള്‍ കൂടുതലാണ്. പണ്ടൊക്കെ വല്ലപ്പോഴും വീട്ടില്‍ ചിക്കന്‍ കറിയുണ്ടാക്കിയ കാലം കടന്ന് അല്‍ഫാമും ഷവര്‍മയും പോലുള്ള വിഭവങ്ങള്‍ തീന്‍മേശ കീഴടക്കി. പ്രോട്ടീന്‍ ലഭിക്കാന്‍…
By Harithakeralam
പല്ല് നന്നായാല്‍ പാതി നന്നായി എന്നാണ് പറയുക. മനുഷ്യ സൗന്ദര്യത്തില്‍ പല്ലിന് അത്ര വലിയ സ്ഥാനമുണ്ട്. ഭക്ഷണം ചവച്ച് അരച്ച് കഴിക്കാന്‍ സഹായിക്കുന്ന പല്ലിന്റെ ആരോഗ്യം നാം സംരക്ഷിക്കേണ്ടതുണ്ട്. ഇതിന്…
By Harithakeralam
മാമ്പഴത്തിന്റെ സീസനാണിത്. കാലാവസ്ഥ വെല്ലുവിളി ഉയര്‍ത്തിയെങ്കിലും തരക്കേടില്ലാതെ മാമ്പഴം ഇതര സംസ്ഥാനങ്ങളില്‍ ഈ സമയത്ത് കേരളത്തിലെത്തുന്നുണ്ട്. ഇതില്‍ പലതും രാസവസ്തുക്കള്‍ ഉപയോഗിച്ച് കൃത്രിമമായി പഴുപ്പിച്ചവയുമാണെന്ന…
By Harithakeralam
ഏതു വീട്ടിലുമുള്ള വസ്തുവാണ് അരിപ്പൊടി... ദോശ, പുട്ട് തുടങ്ങിയ പലഹാരങ്ങളുണ്ടാക്കാന്‍ നാം അരിപ്പൊടി ഉപയോഗിക്കാറുണ്ട്. ഇതുപയോഗിച്ച് നമ്മുടെ മുഖ ചര്‍മം തിളങ്ങാനുള്ള വിവിധയിനം മാസ്‌കുകള്‍ തയാറാക്കാം. രാസവസ്തുക്കളങ്ങിയ…
By Harithakeralam
ഉറക്കവും നമ്മുടെ രക്ത സമര്‍ദവും തമ്മില്‍ വലിയ ബന്ധമുണ്ടോ...? ഉറക്കം കുറഞ്ഞാല്‍ രക്ത സമര്‍ദം കൂടുമെന്നതു ശരിയാണോ...? തുടര്‍ച്ചയായി ഉറക്കം കുറയുന്നതു രക്ത സമര്‍ദം വലിയ തോതില്‍ ഉയരാന്‍ കാരണമാകും. രക്ത സമര്‍ദം…
By Harithakeralam
മഞ്ഞപ്പിത്തത്തോടൊപ്പം കേരളത്തില്‍ കോളറ മരണവും റിപ്പോര്‍ട്ട് ചെയ്തിരിക്കുന്നു. കുറഞ്ഞ സ്ഥലത്ത് കൂടുതല്‍ പേര്‍ താമസിക്കുന്ന നമ്മുടെ നാട്ടില്‍ കോളറ പോലുള്ള രോഗങ്ങള്‍ പടര്‍ന്നാണ് വന്‍ പ്രശ്‌നമായിരിക്കും സൃഷ്ടിക്കുക.…
By Harithakeralam
കോഴിക്കോട്: കാന്‍സര്‍ ചികിത്സയില്‍ പ്രതീക്ഷയേറുന്ന നൂതന ചികിത്സാ രീതിയായ കാര്‍ ടി സെല്‍ തെറാപ്പി ആസ്റ്റര്‍ മിംസില്‍ ആരംഭിച്ചു. ആസ്റ്റര്‍ ഇന്റര്‍നാഷണല്‍ ഇന്‍സ്‌റിറ്റിയൂട്ട് ഓഫ് ഓങ്കോളജി വിഭാഗത്തില്‍ നടക്കുന്ന…
By Harithakeralam
ചൂടുള്ള കാലാവസ്ഥ ഇനി ഒരു മാസം കൂടിയുണ്ടാകും നമ്മുടെ നാട്ടില്‍. ഈ സമയത്ത് ശരീരമൊന്നു തണുപ്പിക്കാന്‍ പഴങ്ങളും ജ്യൂസും ഐസ്‌ക്രീമുമൊക്കെ കഴിക്കുന്നവരാണ് നമ്മള്‍. എന്നാല്‍ പ്രമേഹമുള്ളവര്‍ ഇക്കാര്യത്തില്‍ ചിലതു…
By Harithakeralam
© All rights reserved | Powered by Otwo Designs
Leave a comment