പ്രത്യേകിച്ചു പരിചരണമൊന്നും ആവശ്യമില്ലാത്ത വിളയാണ് മുരിങ്ങ. കീടങ്ങളും രോഗങ്ങളുമൊന്നും മുരിങ്ങയെ ആക്രമിക്കാറില്ല. തടത്തില് വെള്ളം കെട്ടിക്കിടക്കാതെ ശ്രദ്ധിച്ചാല് മതി. നല്ല വേനലാണെങ്കില് ഇടയ്ക്കൊന്നു നനച്ചു കൊടുക്കണം.
By Harithakeralam
കായും പൂവും തൊലിയുമെല്ലാം മനുഷ്യന് ഉപയോഗമുള്ളതാണ്. ഇലക്കറിയായും ഔഷധമായുമെല്ലാം മുരിങ്ങ പണ്ടുകാലം മുതലേ ഉപയോഗിക്കുന്നു. വീട്ടുവളപ്പില് ഒരു മുരിങ്ങച്ചെടി വളര്ത്തുകയെന്നത് വളരെ നിഷ്പ്രയാസം ചെയ്യാവുന്ന കാര്യമാണ്. പണ്ടു കാലത്തൊക്കെ എല്ലാ വീടുകളിലും പറമ്പില് ഒന്നോ രണ്ടോ മുരിങ്ങയുണ്ടാകുമായിരുന്നു. മുരിങ്ങ ഇലയുടെ ഗുണങ്ങളും നട്ടുവളര്ത്തുന്ന രീതിയുമാണ് ഇലക്കറികളെക്കുറിച്ചുള്ള പരമ്പരയില്.
മുരിങ്ങ നടല്
കമ്പ് കുത്തിയും തൈയുണ്ടാക്കിയുമാണ് മുരിങ്ങ നടുക. കമ്പ് കുത്തിയാണ് പ്രധാനമായും മുരിങ്ങ നടുക പതിവ്. നല്ല ആരോഗ്യമുള്ള കമ്പുകള് മുറിച്ചെടുത്ത് നടാം. മഴക്കാലത്തിന്റെ തുടക്കത്തില് തന്നെ നടുന്നതാണ് ഉത്തമം. ചുവട്ടില് വെള്ളം കെട്ടികിടക്കാതെ നോക്കിയാല് മാത്രം മതി, മുരിങ്ങ താനേ വളര്ന്നോളും. കുരു നട്ട് തൈയുണ്ടാക്കിയും മുരിങ്ങ നടാം.
പരിചരണം
പ്രത്യേകിച്ചു പരിചരണമൊന്നും ആവശ്യമില്ലാത്ത വിളയാണ് മുരിങ്ങ. കീടങ്ങളും രോഗങ്ങളുമൊന്നും മുരിങ്ങയെ ആക്രമിക്കാറില്ല. തടത്തില് വെള്ളം കെട്ടിക്കിടക്കാതെ ശ്രദ്ധിച്ചാല് മതി. നല്ല വേനലാണെങ്കില് ഇടയ്ക്കൊന്നു നനച്ചു കൊടുക്കണം.
സാധ്യതകള്
വലിയ സാധ്യതയാണ് മുരിങ്ങക്കൃഷി കര്ഷകര്ക്കു മുന്നില് തുറന്നിടുന്നത്. മുരിങ്ങയില് നിന്നും മൂല്യവര്ധിത ഉത്പന്നങ്ങള് തയാറാക്കുന്ന നിരവധി പേരുണ്ട്. മുരിങ്ങച്ചായ, മുരിങ്ങപ്പൂവില് നിന്നുള്ള തേന്, കുരുവില് നിന്നുള്ള എണ്ണ, ഇലയില് നിന്നെടുക്കുന്ന സത്ത് എന്നിവയ്ക്കെല്ലാം അന്താരാഷ്ട്ര മാര്ക്കറ്റില് വലിയ വില ലഭിക്കുന്നു. ഭാവിയില് ഇന്ത്യയ്ക്ക് ഡോളര് സമ്പാദിക്കുന്ന മാര്ഗമായിട്ടാണ് വിദഗ്ധര് മുരിങ്ങയെ വിലയിരുത്തുന്നത്. തമിഴ്നാട്ടില് ഏക്കറുകണക്കിന് സ്ഥലങ്ങളില് മുരിങ്ങ കൃഷി ചെയ്യുന്നുണ്ട്.
ഗുണങ്ങള്
പ്രോട്ടീന്, കാല്സ്യം, അമിനോ ആസിഡുകള്, ഇരുമ്പ്, വിറ്റാമിന് സി, എ, ധാതുക്കള് തുടങ്ങിയ പോഷക ഘടകങ്ങളെല്ലാം അടങ്ങിയിരിക്കുന്ന ഭക്ഷണമാണ് മുരിങ്ങ. ചര്മ്മം, മുടി, എല്ലുകള്, കരള്, ഹൃദയം എന്നിവയ്ക്കും നല്ലതാണ്. ചീത്ത കൊളസ്ട്രോള് കുറയ്ക്കാന് മുരിങ്ങ ഇലകള് സഹായിക്കുന്നു. രോഗപ്രതിരോധ ശേഷി വര്ദ്ധിപ്പിക്കുന്ന ഫൈറ്റോ ന്യൂട്രിയന്റുകള് മുരിങ്ങയിലകളില് അടങ്ങിയിട്ടുണ്ട്. ഇത് പ്രതിരോധ ശേഷി ശക്തിപ്പെടുത്തുകയും അണുബാധകളെ ചെറുക്കാന് സഹായിക്കുകയും ചെയ്യുന്നു. വിറ്റാമിന് എ, സി ഇരുമ്പ് എന്നിവ ഇതില് അടങ്ങിയിട്ടുണ്ട്. ചര്മ്മത്തിന്റെയും മുടിയുടെയും ഘടന മെച്ചപ്പെടുത്താന് സഹായിക്കുന്ന ആന്റിഓക്സിഡന്റുകളാല് സമ്പുഷ്ടമാണ് മുരിങ്ങ. രക്തത്തിലെ ആന്റിഓക്സിഡന്റുകളുടെ അളവ് വര്ദ്ധിപ്പിക്കാന് മുരിങ്ങയില പൊടിച്ച് കഴിക്കുന്നത് നല്ലതാണ്. ഉറക്കവും പോഷകാഹാരവും പരസ്പരം സ്വാധീനം ചെലുത്തുന്നുണ്ട്. മുരിങ്ങ ശരീരത്തിന്റെ ഊര്ജ്ജ നില വര്ദ്ധിപ്പിക്കുന്നു. തളര്ച്ച, ക്ഷീണം എന്നിവയ്ക്ക് പരിഹാരവുമാണ് മുരിങ്ങയിലകള്. മുരിങ്ങ ഇലകള് കഴിക്കുന്നത് ദഹന സംബന്ധമായ അസുഖങ്ങള്ക്കെതിരെ ഗുണം ചെയ്യും. മലബന്ധം, ഗ്യാസ്, ഗ്യാസ്െ്രെടറ്റിസ് എന്നിവയാല് ബുദ്ധിമുട്ടുന്നവര് മുരിങ്ങ ഇലകള് ഭക്ഷണത്തില് ചേര്ക്കുന്നത് നല്ലതാണ്
ദിവസവും കുറച്ചു പഴങ്ങള് കഴിക്കുന്നതു നമ്മുടെ ആരോഗ്യത്തിനേറെ നല്ലതാണ്. മിക്ക പഴങ്ങളും തൊലി ചെത്തിക്കളഞ്ഞാണ് ഉപയോഗിക്കുക. ഈ തൊലികള് മാലിന്യമായി വലിച്ചെറിയാതെ അടുക്കളത്തോട്ടത്തിലെ പച്ചക്കറികള്ക്ക്…
By Harithakeralam
വെയിലത്ത് നല്ല പോലെ നനയ്ക്കുകയും വളങ്ങള് നല്കുകയും ചെയ്താല് വെണ്ടയില് നിന്നു മികച്ച വിളവ് ലഭിക്കും. മൊസൈക്ക് രോഗം, തണ്ടുതുരപ്പന്, ഇലചുരുട്ടിപ്പുഴു എന്നിവ ഈ സമയത്ത് വെണ്ടയില് പ്രശ്നം സൃഷ്ടിച്ചു തുടങ്ങും.…
By Harithakeralam
ചൂട് കടുത്തു വരുകയാണ് കേരളത്തില്. ഈ സമയത്ത് പച്ചക്കറികള്ക്ക് നല്ല പരിചരണം ആവശ്യമാണ്. ഇല്ലെങ്കില് അവ നശിച്ചു പോകും. പഴമക്കാര് പ്രയോഗിച്ചിരുന്ന ചില നാട്ടറിവുകള് നമുക്കും പിന്തുടര്ന്നു നോക്കാം. ഗ്രോബാഗിലും…
By Harithakeralam
വിവിധ വിഭവങ്ങളില് നാം ഉപയോഗിക്കുന്ന പുതിന മനുഷ്യന് ഏറെ ഗുണങ്ങള് നല്കുന്ന ഇലയാണ്. എന്നാല് വിപണിയില് ലഭിക്കുന്ന പുതിനയില് വലിയ തരത്തിലുള്ള കീടനാശിനികള് പ്രയോഗിക്കുന്നതാണ്. ഇതു വലിയ തരത്തിലുള്ള ആരോഗ്യപ്രശ്നങ്ങളാണ്…
By Georgekutty Mathew
വേനലില് നല്ല വിളവ് തരുന്നവയാണ് പന്തല് വിളകള്, ഇതില് ഏറ്റവും പ്രധാനമാണ് പാവല്. എന്നാല് കീടങ്ങള് വലിയ തോതില് പാവലിനെ ആക്രമിക്കാനെത്തും. വിത്തിടുമ്പോള് തന്നെ ശ്രദ്ധിച്ചില്ലെങ്കില് കീടങ്ങളെ തുരത്താന്…
By Harithakeralam
വെയില് ശക്തമാണെങ്കിലും നല്ല വിളവ് തരുന്ന പച്ചക്കറികളാണ് വഴുതന-വെള്ളരി വിളകള്. എന്നാല് രോഗങ്ങളും കീടങ്ങളും ഈ സമയത്ത് ഇവയെ ശക്തമായി ആക്രമിക്കും. കീടനാശിനി പ്രയോഗം മനുഷ്യനും പ്രകൃതിക്കും ദോഷവുമാണ്. രോഗ-കീട…
By Harithakeralam
പച്ചക്കറികളിലുണ്ടാകുന്ന പ്രധാന പ്രശ്നമാണ് ഫംഗസ് ബാധ. ഇലകളിലുള്ള നിറവ്യത്യാസം, പാടുകള്, ഇലകളിലും തണ്ടിലുമുള്ള പൂപ്പലുകള്, ചെടി വാടിപ്പോകല്, മുരടിപ്പ് തുടങ്ങിയ സൂചനകള് ഫംഗസ് അണുബാധയുടെ…
By Harithakeralam
പയര്, വെണ്ട, വഴുതന, തക്കാളി, പടവലം, പാവല് എന്നിവ നല്ല വിളവ് തരുന്ന സമയമാണിത്. എന്നാല് കീടങ്ങളുടെ ആക്രമണം അതിരൂക്ഷമാണെന്നു കര്ഷകര് പറയുന്നു. വീര്യം കൂടിയ രാസകീടനാശിനികള് പ്രയോഗിച്ചാല് നമ്മുടെ ശരീരത്തിനും…
By Harithakeralam
© All rights reserved | Powered by Otwo Designs
Leave a comment