പാവല്, തക്കാളിപോലുള്ള വിളകളില് വെളളീച്ചയുടെ ശല്യം വലിയ തോതിലുണ്ട്. ഇവയ്ക്കുള്ള ജൈവ രീതിയിലുള്ള പരിഹാരം നോക്കാം.
ഇടയ്ക്ക് മഴ ലഭിച്ചെങ്കിലും കേരളത്തിലിപ്പോഴും വരണ്ട കാലാവസ്ഥ തുടരുകയാണ്. പച്ചക്കറികള് നല്ല പോലെ വളരുമെങ്കിലും രോഗങ്ങളും കീടങ്ങളും വലിയ തോതിലിപ്പോള് പ്രശ്നങ്ങള് സൃഷ്ടിക്കുന്നു. പാവല്, തക്കാളിപോലുള്ള വിളകളില് വെളളീച്ചയുടെ ശല്യം വലിയ തോതിലുണ്ട്. ഇവയ്ക്കുള്ള ജൈവ രീതിയിലുള്ള പരിഹാരം നോക്കാം.
പാവല് നല്ല പോലെ കായ്ക്കാന് തുടങ്ങിയിട്ടുണ്ടാകും. കൃത്യമായി നനയുണ്ടെങ്കില് പാവല് ഈ കാലാവസ്ഥയില് മികച്ച വിളവ് നല്കും. എന്നാല് കായീച്ചകള് ശല്യക്കാരി എത്തിയിട്ടുണ്ടാകും. ഇതിനുള്ള പരിഹാരം നോക്കാം.
1. പാവല് പേപ്പര് കൊണ്ട് പൊതിഞ്ഞു നിര്ത്താന് ശ്രദ്ധിക്കാം. ആക്രമണം നേരിട്ട കായ്കള് യഥാസമയം പറിച്ച് നശിപ്പിക്കാം.
2. കഞ്ഞിവെള്ള കെണി, മീന് കെണി, പഴക്കെണി തുളസിക്കെണി എന്നിവയും പന്തലില് അവിടവിടെയായി തൂക്കിയിടാം. ഫിറമോണ് കെണി ആയ ക്യൂ ലൂര് ഉപയോഗിച്ചും കായീച്ചകളെ കുടുക്കാം. രണ്ടുമാസം വരെ ഫിറമോണ് കെണികള് ഉപയോഗിക്കാം. പൂവിടുന്നതിന് ഒന്നു രണ്ടാഴ്ച മുമ്പ് തന്നെ കെണികള് തോട്ടത്തില് തൂക്കിയിടണം. പന്തലിന്റെ നാലുവശത്തും പല രീതിയിലുള്ള കെണികള് തൂക്കിയിടാന് ശ്രദ്ധിക്കാം.
3. ഒരുതവണ വെള്ളരി വര്ഗ പച്ചക്കറികള് കൃഷി ചെയ്ത സ്ഥലത്ത് അടുത്ത തവണ മറ്റു വര്ഗത്തില്പ്പെട്ട പച്ചക്കറികള് കൃഷി ചെയ്യുന്നതും കായീച്ചകളുടെ ശല്യം കുറയ്ക്കാന് സഹായിക്കും.
4. രണ്ടു ശതമാനം വീര്യമുള്ള വേപ്പെണ്ണ വെളുത്തുള്ളി മിശ്രിതം സ്പ്രേ ചെയ്യുന്നത് മുഞ്ഞ, വെള്ളീച്ച, മണ്ഡരി എന്നിവയുടെ ആക്രമണത്തെ തടയും. ഇലകളും പൂക്കളും തിന്നു നശിപ്പിക്കുന്ന കീടങ്ങളെ തുരത്താനായി ഗോമൂത്രം കാന്താരി മുളക് മിശ്രിതം ഉപയോഗിക്കാം. ഒരു ലിറ്റര് ഗോമൂത്രവും 10 ഗ്രാം കാന്താരിമുളക് അരച്ചതും ഒമ്പത് ലിറ്റര് വെള്ളവും ചേര്ത്ത് നിര്മ്മിച്ച ലായനി അരിച്ചെടുത്ത് സ്പ്രേ ചെയ്യാവുന്നതാണ്.
5. പലതരം മിത്രകീടങ്ങള് തോട്ടത്തില് ഉണ്ടായിരിക്കുന്നത് നല്ലതാണ്. മിത്ര കീടങ്ങളുടെ ഇളം ദശകള് ഭക്ഷിക്കുന്നത് ശത്രുകീടങ്ങളെയാണ്. തലവെട്ടി, തുമ്പ, പെരുവലം, തുളസി, മൈലാഞ്ചി, ബന്ധി, ചെമ്പരത്തി എന്നീ പൂച്ചെടികള് തോട്ടത്തില് ഉണ്ടായിരിക്കുന്നത് മിത്ര കീടങ്ങളെ തോട്ടത്തില് നിലനിര്ത്തുന്നതിന് സഹായിക്കുന്നു.
6. 20ഗ്രാം സ്യൂഡോമൊണാസ് ഒരു ലിറ്റര് വെള്ളത്തില് കലക്കി അതില് വിത്ത് മുക്കിവച്ചശേഷം നടുന്നത് അനേകം രോഗങ്ങളെ ചെറുക്കാന് സഹായിക്കും. രോഗാരംഭത്തില് തന്നെ ഇത് ചെയ്യാന് ശ്രദ്ധിക്കണം. രോഗം വന്ന സസ്യഭാഗങ്ങള് തീയിട്ടു നശിപ്പിച്ചശേഷ മാണ് പ്രതിരോധ മാര്ഗങ്ങള് സ്വീകരിക്കേണ്ടത്.
വരണ്ട അന്തരീക്ഷസ്ഥിതി തുടരുന്നതിനാല് തക്കാളിയില് വെളളീച്ചയുടെ ആക്രമണം കാണാന് സാധ്യതയുണ്ട്. വെളളീച്ച ആക്രമണം തുടര്ന്നാല് തക്കാളിച്ചെടി പെട്ടെന്നു നശിക്കും.
1. 2 ശതമാനം വീര്യമുളള വേപ്പെണ്ണ - വെളുത്തുളളളി മിശ്രിതം ഇലയുടെ അടിഭാഗത്ത് പതിയത്തക്ക വിധം 10 ദിവസം ഇടവേളകളിലായി ആവര്ത്തിച്ച് തളിക്കുക.
2. ആക്രമണം രൂക്ഷമാണെങ്കില് തൈയാമീതോക്സാം 4 ഗ്രാം പത്ത് ലിറ്റര് വെളളത്തില് കലക്കി തളിക്കുക.
3. വേപ്പെണ്ണയില് കാന്താരി, വെളുത്തുള്ളി പോലുള്ള മാറി മാറി ഉപയോഗിക്കുക.
ഒന്നു രണ്ടു മഴ കിട്ടിയതോടെ പച്ചക്കറിച്ചെടികള് അല്പ്പമൊന്നു ജീവന് വച്ചു നില്ക്കുകയായിരിക്കും. എന്നാല് പല തരത്തിലുള്ള കീടങ്ങളും ഈ സമയത്ത് പ്രശ്നക്കാരായി എത്തും. ഇവയെ തുരത്താനും പച്ചക്കറികളുടെ…
മുട്ടത്തോടും ചായച്ചണ്ടിയും ആവശ്യം കഴിഞ്ഞാല് പഴാക്കി കളയാറാണ് പതിവ്. എന്നാലിവ കൊണ്ട് ചെടികള്ക്ക് നല്ലൊരു വളര്ച്ചാ ഹോര്മോണ് തയാറാക്കാം. പൂന്തോട്ടത്തിലെയും പച്ചക്കറി ചെടികളും നന്നായി പൂക്കാന് ഇതു വളരെ…
ഏതു കാലാവസ്ഥയിലും നന്നായി വളരുന്ന കാന്താരി മുളകിനെ സാധാരണ കീട-രോഗ ബാധ വലിയ തോതില് ബാധിക്കാറില്ല. എന്നാല് ചൂട് അനിയന്ത്രിതമായി വര്ധിച്ച സാഹചര്യത്തില് ഇലപ്പേന്, വെള്ളീച്ച പോലുള്ളവ കാന്താരിയെ വലിയ തോതില്…
പച്ചക്കറികള് മുതല് ഫല വൃക്ഷങ്ങളും തെങ്ങും കവുങ്ങുമെല്ലാം ഇലകള് മഞ്ഞളിച്ചു വാടിത്തളര്ന്നു നില്ക്കുന്നത് കേരളത്തിലെ സ്ഥിരം കാഴ്ചയാണിപ്പോള്. കനത്ത ചൂട് മൂലം ചെടികള്ക്കെല്ലാം ക്ഷീണമുണ്ടെങ്കിലും മഞ്ഞളിപ്പ്…
എല്ലാം തികഞ്ഞ ജൈവവളമാണ് കോഴിക്കാഷ്ടം. കേരളത്തിലും അയല്സംസ്ഥാനങ്ങളിലും ധാരാളം കോഴിഫാമുകള് ഉള്ളതിനാല് ഇതു ലഭിക്കാനും ബുദ്ധിമുട്ടില്ല. അടുക്കളത്തോട്ടത്തിലും ടെറസ് കൃഷിയിലുമെല്ലാം നമ്മള് ധാരാളം കോഴിക്കാഷ്ടം…
തക്കാളിച്ചെടിയെ ആക്രമിക്കുന്നതില് പ്രധാനിയാണ് ചിത്രകീടം. ഇലകളില്ക്കൂടി വളഞ്ഞുപുളഞ്ഞു വെള്ള നിറത്തിലുള്ള വരകള് കാണുന്നതാണ് പ്രഥമ ലക്ഷണം. പിന്നീട് ഇവ കരിഞ്ഞ് ഇലകള് നശിച്ചുപോകുന്നു. ചെറിയ തൈകളിലും വലിയ…
വേനല്ക്കാലത്ത് പച്ചക്കറികളില് കാണുന്ന പ്രധാന പ്രശ്നമാണ് പൂകൊഴിച്ചില്. കടുത്ത ചൂട് കാരണം പൂക്കളെല്ലാം കൊഴിയുന്നു, ഇതിനാല് വിളവ് ലഭിക്കുന്നുമില്ല. പയര്, തക്കാളി, വഴുതന, വെണ്ട തുടങ്ങിയ വിളകളിലാണ് ഈ…
പയര് കൃഷി ചെയ്യുന്നുണ്ടോ...? എന്നാല് മുഞ്ഞ ശല്യം ഉറപ്പാണ്. ഏതു കാലാവസ്ഥയില് പയര് വളര്ത്തിയാലും നശിപ്പിക്കാനായി മുഞ്ഞയെത്തും. മുഞ്ഞയുടെ കൂടെയെത്തുന്ന ഉറുമ്പുകളും പയറിന്റെ കായും ഇളം തണ്ടുകളും തിന്നു…
© All rights reserved | Powered by Otwo Designs
Leave a comment