അന്താരാഷ്ട്രതലത്തില്‍ 'കോഫിയുടെ ഏഷ്യയിലെ പ്രഥമ വനിത'യെന്ന് അറിയപ്പെടുന്ന സുനാലിനി മേനോനാണ് വയനാടന്‍ റോബസ്റ്റ കാപ്പിയെ ലോക കാപ്പി വ്യാപാരികള്‍ക്കും സാങ്കേതിക വിദഗ്ദ്ധര്‍ക്കും പരിചയപ്പെടുത്തിയത്.
By Harithakeralam
കല്‍പറ്റ: ഡെന്മാര്‍ക്കിലെ കോപ്പന്‍ഹെഗില്‍ ജൂണ്‍ 27 മുതല്‍ 29 വരെ നടന്ന പ്രസിദ്ധമായ ലോക കോഫി മേളയില്‍ ഇടംപിടിച്ച് വയാടിന്റെ സ്വന്തം റോബസ്റ്റ കാപ്പി. വ്യവസായ വകുപ്പ്, പ്ലാന്റേഷന്‍ വകുപ്പ്, കിന്‍ഫ്ര എന്നീ സ്ഥാപനങ്ങളെ ഉള്‍പ്പെടുത്തി വയനാടന്‍ കാപ്പിയുടെ സമഗ്ര പുരോഗതിക്കായി സംസ്ഥാന സര്‍ക്കാര്‍ രൂപം നല്‍കിയ പൊതുമേഖല കമ്പനിയായ കേരള കോഫി ലിമിറ്റഡിന്റെ നേതൃത്വത്തിലാണ് വേള്‍ഡ് ഓഫ് കോഫി കോണ്‍ഫറന്‍സില്‍ പ്രദര്‍ശന സ്റ്റാളും കപ്പ് ടേസ്റ്റിങ്ങ് പ്രദര്‍ശനവും ഒരുക്കിയത്.
കേരള ഡെവലപ്മെന്റ് ആന്റ് ഇന്നൊവേഷന്‍ സ്ട്രാറ്റജിക് കൗണ്‍സിലിന്റെ (കെ-ഡിസ്‌ക്) നൂതന പദ്ധതിയില്‍ ഉള്‍പ്പെടുത്തി ഏറ്റെടുത്ത ക്ലൈമറ്റ് സ്മാര്‍ട്ട് കോഫി പ്രോജക്ടാണ് കേരള കോഫി ലിമിറ്റഡ് മുഖേന നടപ്പാക്കുന്നത്. വയനാടന്‍ കാപ്പിയുടെ സാധ്യതകള്‍ പൂര്‍ണ്ണമായി പ്രയോജനപ്പെടുത്തുന്നതിനും സവിശേഷമായ വയനാടന്‍ റോബസ്റ്റ കാപ്പി പ്രത്യേക വാണിജ്യനാമത്തില്‍ വിറ്റഴിക്കുന്നതിനും വേണ്ടിയാണ് കര്‍ഷക പങ്കാളിത്തത്തോടെ സമഗ്രമായ പദ്ധതിക്ക് രൂപം നല്‍കിയിട്ടുള്ളത്.
.png)
കേരള കോഫി ലിമിറ്റഡ്, ക്ലൈമറ്റ് സ്മാര്‍ട്ട് കോഫി പ്രോജക്ട്, കിന്‍ഫ്ര, വയനാട് കോഫി ഗ്രോവേഴ്സ് അസ്സോസ്സിയേഷന്‍ എന്നിവയുടെ സംയുക്താഭിമുഖ്യത്തിലാണ് ലോക കാപ്പി മേളയില്‍ പ്രദര്‍ശന സ്റ്റാള്‍ ഒരുക്കിയിട്ടുള്ളത്. അന്താരാഷ്ട്രതലത്തില്‍ 'കോഫിയുടെ ഏഷ്യയിലെ പ്രഥമ വനിത'യെന്ന് അറിയപ്പെടുന്ന സുനാലിനി മേനോനാണ് വയനാടന്‍ റോബസ്റ്റ കാപ്പിയെ ലോക കാപ്പി വ്യാപാരികള്‍ക്കും സാങ്കേതിക വിദഗ്ദ്ധര്‍ക്കും പരിചയപ്പെടുത്തിയത്. വയനാട് ഇന്ത്യന്‍ ഫൈന്‍ റോബസ്റ്റ കോഫി എന്ന വാണിജ്യനാമത്തില്‍ ഉല്പന്നങ്ങള്‍ വിറ്റഴിക്കപ്പെടുന്നതിനുള്ള ഊര്‍ജ്ജിതമായ ശ്രമങ്ങള്‍ നടന്നുവരുന്നു. സ്വദേശത്തും വിദേശത്തുമുള്ള സര്‍വകലാശാലകളും അക്കാദമിക് വിദഗ്ദ്ധരും പദ്ധതിക്ക് പിന്തുണ നല്‍കിവരുന്നു.
കോഫി ബോര്‍ഡ് നടപ്പിലാക്കുന്ന നിങ്ങളുടെ കാപ്പിയെ അറിയുക എന്ന പദ്ധതിയില്‍ ഉള്‍പ്പെടുത്തി വയനാട്ടില്‍ നിന്നും 331 കാപ്പി സാമ്പിളുകള്‍ ശേഖരിച്ച് വിശദമായ പരിശോധനക്ക് വിധേയമാക്കി. ഇതില്‍നിന്നും ഏറ്റവും മികച്ച 10 കാപ്പി സാമ്പിളുകളാണ് ലോക കാപ്പി വ്യാപാര മേളയില്‍ പരിചയപ്പെടുത്തുന്നത്. ഇതോടൊപ്പം കാപ്പിയുടെ വിവിധ ഉല്പന്നങ്ങളുടെ പ്രദര്‍ശനവും രുചിച്ചുനോക്കാനുള്ള സംവിധാനങ്ങളും ഒരുക്കിയിട്ടുണ്ട്.
ചെറുകിട കര്‍ഷകര്‍, വന്‍കിട കര്‍ഷകര്‍, വനിതാകര്‍ഷകര്‍, പട്ടികവര്‍ഗ്ഗ കര്‍ഷകന്‍, ഉദ്യോഗസ്ഥര്‍ എന്നിവരടങ്ങുന്ന 10 അംഗ ടീമാണ് ഡെന്മാര്‍ക്കില്‍ എത്തിച്ചേര്‍ന്നത്. ഇതില്‍ വനിത-പട്ടികവര്‍ഗ്ഗ കാപ്പികര്‍ഷകരെ സംസ്ഥാന സര്‍ക്കാര്‍ സ്‌പോന്‍സര്‍ ചെയ്തു. വേള്‍ഡ് ഓഫ് കോഫി കോണ്‍ഫറന്‍സില്‍ വയനാടന്‍ സ്റ്റാളിന് വന്‍സ്വീകാര്യതയാണ് ലഭിക്കുന്നത്. ക്ലൈമറ്റ് സ്മാര്‍ട്ട് കോഫി പ്രോജക്ട് മേധാവി ജി.ബാലഗോപാല്‍ ഐഎഎസ് (റിട്ട), മുന്‍ ഉപാസി ചെയര്‍മാന്‍ ധര്‍മരാജ് നരേന്ദ്രനാഥ്, വയനാട് കോഫി ഗ്രോവേഴ്സ് അസ്സോസ്സിയേഷന്‍ പ്രസിഡന്റ്‌റ് അനൂപ് പാലുകുന്ന് , കേരള കോഫി ലിമിറ്റഡ് സ്‌പെഷ്യല്‍ ഓഫീസര്‍ ജീവ ആനന്ദ് എന്നിവരാണ് ടീമിന് നേതൃത്വം നല്‍കുന്നത്.
.jpg){kind=tracking}
കോഴിക്കോട്: മലബാര്‍ മില്‍മയുടെ അന്താരാഷ്ട്ര സഹകരണ വര്‍ഷാചരണത്തിന്റെയും 2025 വാര്‍ഷിക പദ്ധതിയുടേയും ഉദ്ഘാടനം കോഴിക്കോട് കാലിക്കറ്റ് ടവറില്‍ നടന്ന ചടങ്ങില്‍ ക്ഷീര വികസന വകുപ്പുമന്ത്രി…
By Harithakeralam
കൊച്ചി: സ്‌പൈസസ് ബോര്‍ഡ്, അഗ്രിക്കള്‍ച്ചറല്‍ ആന്റ് ഫുഡ് പ്രൊഡക്ട് എക്‌സ്‌പോര്‍ട് ഡെവലപ്മെന്റ് അതോറിറ്റിയുമായി (APEDA) സഹകരിച്ച് ജൈവ ഉല്‍പ്പാദനത്തിനുള്ള ദേശീയ പരിപാടിയെക്കുറിച്ച് (National Programme…
By Harithakeralam
കേരളത്തിലെ എല്ലാ ജില്ലകളിലും ഘട്ടം ഘട്ടമായി വിഎഫ്പിസികെ അഗ്രോ ഹൈപ്പര്‍ മാര്‍ക്കറ്റുകള്‍ ആരംഭിക്കുമെന്ന് കൃഷിമന്ത്രി പി പ്രസാദ്. നിയോജക മണ്ഡലം അടിസ്ഥാനത്തിലും ബ്ലോക്ക് അടി സ്ഥാനത്തിലും തദ്ദേശസ്വയംഭരണ…
By Harithakeralam
കൃഷി വകുപ്പിന് കീഴില്‍ പ്രവര്‍ത്തിക്കുന്ന അതിരപ്പിള്ളി െ്രെടബല്‍ വാലി കര്‍ഷക ഉത്പാദക കമ്പനിയില്‍ ഉല്പാദിപ്പിക്കുന്ന കാപ്പിയും കുരുമുളകും കയറ്റുമതി ചെയ്യാന്‍ ധാരണാ പത്രം ഒപ്പു വച്ചതായി കൃഷി മന്ത്രി പി.…
By Harithakeralam
തിരുവനന്തപുരം: കുളങ്ങള്‍ നമ്മുടെ ആവാസവ്യവസ്ഥയ്ക്ക് അനിവാര്യമായ ഘടകങ്ങളാണെന്നും അവയുടെ സംരക്ഷണം ഓരോ പ്രദേശത്തിന്റെയും ആവശ്യകതയാണെന്നും കൃഷി മന്ത്രി പി. പ്രസാദ്. കാലങ്ങളായി മലിനമാക്കപ്പെട്ടിരുന്ന പേരൂര്‍…
By Harithakeralam
തിരുവനന്തപുരം: കാര്‍ഷിക മേഖലയുടെ സമഗ്ര വികസനം ലക്ഷ്യം വെച്ച് കൃഷി വകുപ്പ് നടപ്പിലാക്കുന്ന കൃഷി സമൃദ്ധി പദ്ധതി, കാര്‍ബണ്‍ ബഹിര്‍മനം കുറിക്കുന്നത് ലക്ഷ്യം വെച്ച് നടപ്പിലാക്കുന്ന ഫ്രൂട്ട് സിറ്റി പദ്ധതി…
By Harithakeralam
തിരുവനന്തപുരം: ആലപ്പുഴ നഗരസഭയിലെ കരളകം പാടശേഖരത്തില്‍ വിവിധ കാരണങ്ങളാല്‍ മുടങ്ങിക്കിടക്കുന്ന നെല്‍കൃഷി പുനരാരംഭിക്കുന്നതിന് അടിസ്ഥാന സൗകര്യ വികസന പ്രവര്‍ത്തനങ്ങള്‍ ഉള്‍പ്പെടെ രണ്ടുകോടിയുടെ സമഗ്ര വികസന…
By Harithakeralam
കേരളത്തിലെ അഗ്രിബിസിനസ് സംരംഭങ്ങളെ പ്രോത്സാഹിപ്പിക്കാനും കാര്‍ഷിക മേഖലയെ പിന്തുണയ്ക്കാനുമുള്ള സംസ്ഥാനതല സംരംഭമെന്ന നിലയില്‍ 10000 എഫ്.പി.ഒ മേള കോഴിക്കോട് ജില്ലയിലെ കാലിക്കറ്റ് ട്രേഡ്…
By Harithakeralam
© All rights reserved | Powered by Otwo Designs
Leave a comment