സംസ്ഥാനത്ത് കൃഷി സമൃദ്ധി പദ്ധതില്‍ ആദ്യഘട്ടമായി തിരഞ്ഞെടുത്ത 107 പഞ്ചായത്തുകളില്‍ ഒന്നായ നേമം കൃഷി ഭവന്‍ കതിര്‍ ആപ്പിന്റെ പ്രചാരണ പ്രവര്‍ത്തനങ്ങളിലൂടെ സമഗ്രമായ വിവരശേഖരണം നടത്തിയാണ് പ്രവര്‍ത്തനങ്ങള്‍ക്കു തുടക്കം കുറയ്ക്കുന്നത്.
By Harithakeralam
തിരുവനന്തപുരം: കാര്‍ഷിക മേഖലയുടെ സമഗ്ര വികസനം ലക്ഷ്യം വെച്ച് കൃഷി വകുപ്പ് നടപ്പിലാക്കുന്ന കൃഷി സമൃദ്ധി പദ്ധതി, കാര്‍ബണ്‍ ബഹിര്‍മനം കുറിക്കുന്നത് ലക്ഷ്യം വെച്ച് നടപ്പിലാക്കുന്ന ഫ്രൂട്ട് സിറ്റി പദ്ധതി എന്നീ പദ്ധതികള്‍ക്ക് തുടക്കം കുറിച്ച് നേമം കൃഷി ഭവന്‍. പാപ്പനംകോട് ദര്‍ശന ഓഡിറ്റോറിയത്തില്‍ തിരുവനന്തപുരം നഗരസഭ വികസന സ്ഥിരം സമിതി ചെയര്‍പേഴ്‌സണ്‍ ഷാജിത നാസറിന്റെ അധ്യക്ഷതയില്‍ ചേര്‍ന്ന യോഗത്തില്‍ കൃഷി വകുപ്പ് മന്ത്രി പി. പ്രസാദ് പദ്ധതികളുടെ ഉദ്ഘാടനം നിര്‍വ്വഹിച്ചു.
സംസ്ഥാനത്ത് കൃഷി സമൃദ്ധി പദ്ധതില്‍ ആദ്യഘട്ടമായി തിരഞ്ഞെടുത്ത 107 പഞ്ചായത്തുകളില്‍ ഒന്നായ നേമം കൃഷി ഭവന്‍ കതിര്‍ ആപ്പിന്റെ പ്രചാരണ പ്രവര്‍ത്തനങ്ങളിലൂടെ സമഗ്രമായ വിവരശേഖരണം നടത്തിയാണ് പ്രവര്‍ത്തനങ്ങള്‍ക്കു തുടക്കം കുറയ്ക്കുന്നത്. ഇതിനായി കതിര്‍ ആപ്പ് രജിസ്‌ട്രേഷന്‍ നടപടികളില്‍ പരിശീലനം ലഭിച്ച എ.പി.ജെ. അബ്ദുല്‍ കലാം സാങ്കേതിക സര്‍വ്വകലാശാലയിലെ 300 ഓളം എന്‍.എസ്.എസ്. വോളന്റിയര്‍മാരെയാണ് ഫീല്‍ഡ് തലത്തില്‍ കര്‍ഷകരുടെ അതിവേഗത്തിലുള്ള വിവരശേഖരണത്തിനായി നിയോഗിച്ചിരിക്കുന്നത്. കൃഷി ഭവന്‍ പരിധിയിലെ 7 വാര്‍ഡുകളില്‍ 5 വീതം രജിസ്‌ട്രേഷന്‍ സെന്ററുകള്‍ ഇതിനായി പ്രവര്‍ത്തിക്കും. വിവരശേഖരണത്തെതുടര്‍ന്ന് മൈക്രോപ്ലാനുകള്‍ തയ്യാറാക്കുകയും, സമഗ്ര കാര്‍ഷിക വികസന പദ്ധതികള്‍ രൂപവത്കരിക്കുകയും ചെയ്യും.
.png)
ഇതിനെ തുടര്‍ന്ന് ഉത്പാദന, സേവന, മൂല്യവര്‍ദ്ധിത കൃഷിക്കൂട്ടങ്ങള്‍ക്ക് രൂപം നല്‍കും. കര്‍മ്മപരിപാടി നിര്‍വൃഹണത്തിന്റെ ആദ്യപരി പാടിയായി 'ഫ്രൂട്ട്‌സിറ്റി' എന്ന പദ്ധതി തയ്യാറാക്കി നിര്‍വ്വഹിക്കും. നാച്ചുറല്‍ റിസോഴ്‌സ് പ്രൊട്ടക്ഷന്‍ ഫോഴ്‌സുമായി (NRPF) സഹകരിച്ച് ട്രീ ടാഗ് എന്ന പ്ലേറ്റ്‌ഫോമില്‍ വിവരങ്ങള്‍ രേഖപ്പെടുത്തിയാണ് ഫ്രൂട്ട് സിറ്റി പദ്ധതി നടപ്പിലാക്കുക. നടുന്ന ഓരോ വൃക്ഷതൈയുടെയും വിവരങ്ങള്‍, ആറു മാസം കൂടുമ്പോഴുള്ള വളര്‍ച്ച, കാര്‍ബണ്‍ ന്യൂട്രലൈസേഷന്‍ തോത് എന്നിവ മനസിലാക്കാന്‍ സാധിക്കുന്നത് വഴി നേമത്തെ കാര്‍ബണ്‍ ന്യൂട്രലായി പ്രഖ്യാപിക്കുന്നതിന് പ്രാരംഭ നടപടികളാണ് സ്വീകരിച്ചിരിക്കുന്നത്.
കൃഷി ചെയ്യുന്നതിന്റെയും കാര്‍ഷിക മേഖലയുടെയും ആവശ്യകതയെപ്പറ്റി കൃഷി മന്ത്രി സദസ്സില്‍ സന്നിഹിതരായിരുന്ന യുവാക്കളോട് സംസാരിച്ചു. ഭക്ഷണം കഴിക്കുന്ന ഏതൊരു വ്യക്തിയും കൃഷിയുടെ ആനുകൂല്യം കൈപ്പറ്റുന്നവരാണ്, കൃഷി നമ്മുടെ ജീവിതത്തിന്റെ ഭാഗമാക്കേണ്ടതുണ്ട് മന്ത്രി പറഞ്ഞു. വയലും വീടും എന്നൊരു കാര്‍ഷിക സംസ്‌കാരത്തില്‍ നിന്നും, കടയും വീടും എന്ന സംസ്‌കാരത്തിലേക്ക് മാറിയ മലയാളി ഇന്ന് ആപ്പും വീടും എന്ന സ്ഥിതിയിലേക്ക് മാറിയത് ശുഭകരമായ ഒരു കാര്യമല്ലെന്നും മന്ത്രി സൂചിപ്പിച്ചു. ഭാവിയില്‍ കാര്‍ഷിക സ്റ്റാര്‍ട്ട്അപ്പുകള്‍ക്ക് പ്രാധാന്യമേറുമെന്നും കൃഷി നമ്മുടെ നിലനില്‍പ്പിന്റെ ആവശ്യകതയാണെന്ന് മനസിലാക്കി അതിനെ നമ്മുടെ ഉത്തരവാദിത്തമാക്കി മാറ്റണമെന്നും മന്ത്രി കൂട്ടിച്ചേര്‍ത്തു. ചടങ്ങില്‍ നേമം കൃഷി ഭവന്‍ പരിധിയിലെ കുരുവി കൃഷിക്കൂട്ടം സി.എസ്.ഐ.ആര്‍. ചകകടഠ യുടെ ഇന്‍ക്യൂബേഷന്‍ സെന്റര്‍ മുഖേനെ വിപണിയിലെത്തിച്ച മൂല്യ വര്‍ധിത ഉല്‍പ്പന്നങ്ങളുടെ പ്രകാശനവും മന്ത്രി നിര്‍വ്വഹിച്ചു.
വിവര ശേഖരണത്തിന്റെ ഭാഗമായി മന്ത്രിയും എന്‍.എസ്.എസ്. വോളന്റിയര്‍മാരോടൊപ്പം കര്‍ഷകരുടെ ഭവനങ്ങള്‍ സന്നര്‍ശിച്ച് കതിര്‍ ആപ്പ് രജിസ്‌ട്രേഷന്‍ പ്രവര്‍ത്തനങ്ങളില്‍ പങ്കാളിയായി. സി.എസ്.ഐ.ആര്‍. (NIIST) ഡയറക്ടര്‍ ഡോ. അനന്തരാമകൃഷ്ണന്‍ ചടങ്ങില്‍ മുഖ്യാതിഥിയായി. പ്രിന്‍സിപ്പല്‍ കൃഷി ഓഫീസര്‍ എസ്.അനില്‍കുമാര്‍ സ്വാഗതം പറഞ്ഞ ചടങ്ങില്‍, കൃഷി വകുപ്പ് അഡിഷണല്‍ ഡയറക്ടര്‍ സലീനാമ്മ കെ.പി. പദ്ധതി വിശദീകരണവും വാര്‍ഡ് കൗണ്‍സിലര്‍മാരായ എം.ആര്‍. ഗോപന്‍, ദീപിക. യു. സൗമ്യ. എല്‍. ശ്രീദേവി എസ്. കെ. എന്നിവര്‍ ആശംസകളും അര്‍പ്പിച്ചു. കൃഷി ഓഫീസര്‍ കെ.ജി. ബിനുലാല്‍ ചടങ്ങിന് നന്ദി പ്രകാശിപ്പിച്ചു. സംസ്ഥാന ഹോര്‍ട്ടിക്കള്‍ച്ചര്‍ മിഷന്‍ ഡയറക്ടര്‍ തോമസ് സാമുവല്‍, NRPF കോര്‍ഡിനേറ്റര്‍ പ്രൊഫ. ദര്‍ശന എസ്. ബാബു, കൃഷി അസിസ്റ്റന്റ് ഡയറക്ടര്‍ സിജി സൂസന്‍ മറ്റ് ജനപ്രതിനിധികള്‍, ഉദ്യോഗസ്ഥര്‍, കര്‍ഷകര്‍ തുടങ്ങിയവര്‍ പങ്കെടുത്തു.
.jpg){kind=tracking}
കോഴിക്കോട്: മലബാര്‍ മില്‍മയുടെ അന്താരാഷ്ട്ര സഹകരണ വര്‍ഷാചരണത്തിന്റെയും 2025 വാര്‍ഷിക പദ്ധതിയുടേയും ഉദ്ഘാടനം കോഴിക്കോട് കാലിക്കറ്റ് ടവറില്‍ നടന്ന ചടങ്ങില്‍ ക്ഷീര വികസന വകുപ്പുമന്ത്രി…
By Harithakeralam
കൊച്ചി: സ്‌പൈസസ് ബോര്‍ഡ്, അഗ്രിക്കള്‍ച്ചറല്‍ ആന്റ് ഫുഡ് പ്രൊഡക്ട് എക്‌സ്‌പോര്‍ട് ഡെവലപ്‌മെന്റ് അതോറിറ്റിയുമായി (APEDA) സഹകരിച്ച് ജൈവ ഉല്‍പ്പാദനത്തിനുള്ള ദേശീയ പരിപാടിയെക്കുറിച്ച് (National Programme…
By Harithakeralam
കേരളത്തിലെ എല്ലാ ജില്ലകളിലും ഘട്ടം ഘട്ടമായി വിഎഫ്പിസികെ അഗ്രോ ഹൈപ്പര്‍ മാര്‍ക്കറ്റുകള്‍ ആരംഭിക്കുമെന്ന് കൃഷിമന്ത്രി പി പ്രസാദ്. നിയോജക മണ്ഡലം അടിസ്ഥാനത്തിലും ബ്ലോക്ക് അടി സ്ഥാനത്തിലും തദ്ദേശസ്വയംഭരണ…
By Harithakeralam
കൃഷി വകുപ്പിന് കീഴില്‍ പ്രവര്‍ത്തിക്കുന്ന അതിരപ്പിള്ളി െ്രെടബല്‍ വാലി കര്‍ഷക ഉത്പാദക കമ്പനിയില്‍ ഉല്പാദിപ്പിക്കുന്ന കാപ്പിയും കുരുമുളകും കയറ്റുമതി ചെയ്യാന്‍ ധാരണാ പത്രം ഒപ്പു വച്ചതായി കൃഷി മന്ത്രി പി.…
By Harithakeralam
തിരുവനന്തപുരം: കുളങ്ങള്‍ നമ്മുടെ ആവാസവ്യവസ്ഥയ്ക്ക് അനിവാര്യമായ ഘടകങ്ങളാണെന്നും അവയുടെ സംരക്ഷണം ഓരോ പ്രദേശത്തിന്റെയും ആവശ്യകതയാണെന്നും കൃഷി മന്ത്രി പി. പ്രസാദ്. കാലങ്ങളായി മലിനമാക്കപ്പെട്ടിരുന്ന പേരൂര്‍…
By Harithakeralam
തിരുവനന്തപുരം: കാര്‍ഷിക മേഖലയുടെ സമഗ്ര വികസനം ലക്ഷ്യം വെച്ച് കൃഷി വകുപ്പ് നടപ്പിലാക്കുന്ന കൃഷി സമൃദ്ധി പദ്ധതി, കാര്‍ബണ്‍ ബഹിര്‍മനം കുറിക്കുന്നത് ലക്ഷ്യം വെച്ച് നടപ്പിലാക്കുന്ന ഫ്രൂട്ട് സിറ്റി പദ്ധതി…
By Harithakeralam
തിരുവനന്തപുരം: ആലപ്പുഴ നഗരസഭയിലെ കരളകം പാടശേഖരത്തില്‍ വിവിധ കാരണങ്ങളാല്‍ മുടങ്ങിക്കിടക്കുന്ന നെല്‍കൃഷി പുനരാരംഭിക്കുന്നതിന് അടിസ്ഥാന സൗകര്യ വികസന പ്രവര്‍ത്തനങ്ങള്‍ ഉള്‍പ്പെടെ രണ്ടുകോടിയുടെ സമഗ്ര വികസന…
By Harithakeralam
കേരളത്തിലെ അഗ്രിബിസിനസ് സംരംഭങ്ങളെ പ്രോത്സാഹിപ്പിക്കാനും കാര്‍ഷിക മേഖലയെ പിന്തുണയ്ക്കാനുമുള്ള സംസ്ഥാനതല സംരംഭമെന്ന നിലയില്‍ 10000 എഫ്.പി.ഒ മേള കോഴിക്കോട് ജില്ലയിലെ കാലിക്കറ്റ് ട്രേഡ്…
By Harithakeralam
© All rights reserved | Powered by Otwo Designs
Leave a comment